ប្រធានាធិបតីអាមេរិក លោក ដូណាល់ ត្រាំ នៅថ្ងៃព្រហស្បតិ៍នេះ បានប្រកាសពីការចំណាយរបស់លោកសម្រាប់ឆ្នាំ ២០២៦ និងបានរាយបញ្ជីសមិទ្ធផលរបស់លោក នៅក្នុងសុន្ទរកថាសំខាន់មួយ ទៅកាន់ប្រជា ជាតិ។ សម្រាប់ផ្នែកភាគច្រើននៃសុន្ទរកថារបស់លោក លោកបានស្តីបន្ទោសអ្នកកាន់តំណែងមុនរបស់លោក គឺលោក ចូ បៃដិន និងក្រុមអ្នកប្រជាធិបតេយ្យចំពោះ «ការគ្រប់គ្រងមិនបានល្អ» និងរុញប្រទេសឲ្យធ្លាក់ទៅក្នុង «ស្ថានភាពនៃការបំផ្លិចបំផ្លាញ»។ លោកបាននិយាយថា៖ «កាលពីមួយឆ្នាំមុន ប្រទេសរបស់យើងបានស្លាប់ទៅហើយ។ ឥឡូវនេះ យើងគឺជាប្រទេសដែលបានជួបប្រទះបញ្ហាប្រឈមដ៏ក្តៅបំផុត នៅលើពិភពលោក»។

ដោយអះអាងថា គ្មានជនបរទេសខុសច្បាប់ នៅក្នុងសហរដ្ឋអាមេរិកក្នុងរយៈពេល ៧ខែ លោកបាននិយាយថា លោកបានទទួលមរតក    «ភាពគ្មានសណ្តាប់ធ្នាប់» ពីលោក បៃដិន នៅពេលដែលលោកបានវិលត្រឡប់មកកាន់អំណាចវិញ។ លោកបានបញ្ជាក់ថា៖«យើងបានទទួលមរតកព្រំដែនដ៏អាក្រក់បំផុត ហើយបានប្រែក្លាយវា ទៅជាព្រំដែនដ៏រឹងមាំបំផុត»។

លោកបាននិយាយថា សហរដ្ឋអាមេរិកត្រូវបានគេសើចចំអកក្រោមរបបលោក បៃដិន ប៉ុន្តែពិភពលោកឥឡូវនេះ បានគោរពប្រទេសជាតិ ក្រោមការដឹកនាំរបស់លោក។ «យើងមានកិច្ចព្រមព្រៀងពាណិជ្ជកម្មដ៏អាក្រក់បំផុតដែលមិនធ្លាប់មាន ហើយប្រទេសរបស់យើង ត្រូវបានគេសើចចំអកពីគ្រប់ទិសទីនៃពិភពលោក។ ប៉ុន្តែពួកគេមិនសើចចំអកទៀតទេ…ក្នុងរយៈពេល ១១ ខែកន្លងមកនេះ យើងបាននាំមកនូវការផ្លាស់ប្តូរវិជ្ជមានដល់ទីក្រុងវ៉ាស៊ីនតោនច្រើនជាងរដ្ឋបាលណាៗ នៅក្នុងប្រវត្តិសាស្ត្រអាមេរិក៕