ជាមួយទឹកមុខស្លេកស្លាំង និងទឹកភ្នែកហូរឥតស្រាកសា្រន្ត អ្នកស្រី Eman Abu al-Khair អង្គុយក្នុងសំពត់តង់របស់គាត់ កាន់កាបូបតូចមួយដែលមានសម្លៀកបំពាក់ទារករបស់គាត់ ។ ទារកទើបឆ្លងទន្លេរបស់គាត់ បានស្លាប់ដោយសាររោគខ្វះកំដៅកាលពីពេល ១ថ្ងៃមុន ។

ស្រ្តីជាម្តាយវ័យ ៣៤ឆ្នាំរូបនេះ ដែលនៅមិនជឿថាគាត់បាត់បង់កូនតូចរបស់ខ្លួនបែបនេះ និយាយថា ទារក Mohammed របស់គាត់ រស់បានតែរយៈពេល ១៤ថ្ងៃប៉ុណ្ណោះ ។ ដោយសារភាពខ្ទេចខ្ទាំ បន្សល់ទុកពីសង្រ្គាមប្រល័យពូជសាសន៍របស់អ៊ីស្រាអែលនៅតំបន់ហ្កាហ្សា អ្នកស្រី Eman មិនអាចធ្វើឲ្យកូនប្រុសរបស់គាត់មានកម្តៅគ្រប់គ្រាន់បានឡើយ ។

អ្នកស្រី Eman និយាយប្រាប់កាសែត Al Jazeera ថា គាត់នៅឮសំឡេងកូនតូចរបស់គាត់យំនៅក្នុងទឹកភ្នែករបស់គាត់ ។ 

សោកនាដកម្មរបស់គ្រួសារនេះ បានចាប់ផ្តើមកើតឡើងកាលពីយប់ថ្ងៃទី ១៣ ខែធ្នូ ក្នុងតំបន់ al-Mawasi ស្ថិតនៅភាគខាងលិចទីក្រុង Khan Younis ជាទីដែលពួកគេផ្លាស់ទីលំនៅទៅកាន់ ក្រោយជម្លៀសខ្លួនចេញពីផ្ទះរបស់ពួកគេ នៅភាគខាងកើតទីក្រុង Khan Younis ។

អ្នកស្រី Eman បានដាក់ឲ្យកូនតូចដេក ដល់ពេលភ្ញាក់ដឹងខ្លួនឡើង បានឃើញកូនរបស់គាត់ ស្ថិតក្នុងស្ថានភាពគ្រោះថ្នាក់ទៅហើយ ។

សីតុណ្ហភាពធ្លាក់ចុះ ហើយពេលគ្មានជម្រកត្រឹមត្រូវ ឬសម្លៀកបំពាក់សម្រាប់ទារកទើបឆ្លងទន្លេ ពុំមានការការពារនោះទេ សម្រាប់ទារក Mohammed ៕