មេដឹកនាំឃឺដស៊ីរី លោក Mazloum Abdi បាននិយាយកាលពីថ្ងៃព្រហស្បតិ៍ថា «កិច្ចខិតខំប្រឹងប្រែងទាំងអស់» កំពុងត្រូវបានធ្វើឡើង ដើម្បីទប់ស្កាត់ការដួលរលំនៃការចរចាអំពីកិច្ចព្រមព្រៀងជាមួយទីក្រុងដាម៉ាស ក្នុងការធ្វើសមាហរណកម្មកងកម្លាំងរបស់លោក ទៅក្នុងរដ្ឋាភិបាលកណ្តាល។

ការអត្ថាធិប្បាយនេះ បានកើតឡើង រយៈពេលប៉ុន្មានថ្ងៃបន្ទាប់ពីទីក្រុងអាឡេបប៉ូ បានឃើញការប៉ះទង្គិចគ្នាដ៏សាហាវរវាងភាគីទាំងពីរ មុនពេលមេដឹកនាំរៀងៗខ្លួន បានបញ្ជាឲ្យមានបទឈប់បាញ់។

កាលពីខែមីនា លោក Abdi បានចុះហត្ថលេខាលើកិច្ចព្រមព្រៀងជាមួយប្រធានាធិបតីស៊ីរី លោក Ahmed Al-Sharaa ដើម្បីបញ្ចូលរដ្ឋបាលពាក់កណ្តាលស្វយ័តរបស់ឃើដ ទៅក្នុងរដ្ឋាភិបាលនៅចុងឆ្នាំនេះ ប៉ុន្តែការខ្វែងគំនិតគ្នា បានរារាំងការអនុវត្តរបស់ខ្លួន។

លោក Abdi បាននិយាយថា កងកម្លាំងប្រជាធិបតេយ្យស៊ីរី (SDF) ដែលជាកងទ័ពពិតប្រាកដរបស់ឃើដ នៅតែប្តេជ្ញាចិត្តចំពោះកិច្ចព្រមព្រៀងនេះ ដោយបន្ថែមនៅក្នុងសេចក្តីថ្លែងការណ៍មួយថា ភាគីទាំងពីរកំពុងធ្វើការឆ្ពោះទៅរក «ការយោគយល់គ្នាទៅវិញទៅមក» លើការរួមបញ្ចូលយោធា និងការប្រឆាំងភេរវកម្ម និងសន្យាថា នឹងជួបប្រជុំបន្ថែមទៀតជាមួយទីក្រុងដាម៉ាស។

ដោយពុំលើកឡើងពីថ្ងៃផុតកំណត់នៅចុងឆ្នាំនេះ លោកបាននិយាយថា កិច្ចព្រមព្រៀងនេះ «មិនបានបញ្ជាក់ពីពេលវេលាកំណត់សម្រាប់ការបញ្ចប់របស់វា ឬសម្រាប់ការវិលត្រឡប់ទៅរកដំណោះស្រាយយោធាវិញទេ»៕