រដ្ឋធានីគីវរបស់អ៊ុយក្រែន កំពុងរងការវាយប្រហារយ៉ាងខ្លាំងពីរុស្ស៊ីនៅព្រឹកថ្ងៃសៅរ៍នេះ ដោយសំឡេងផ្ទុះត្រូវបានលាន់ឮនៅក្នុងទីក្រុង ខណៈប្រព័ន្ធការពារដែនអាកាសកំពុងធ្វើប្រតិបត្តិការ ហើយយោធាអ៊ុយក្រែននិយាយថា មីស៊ីលកំពុងត្រូវបានដាក់ពង្រាយ។

ចំណាត់ការរបស់រុស្ស៊ីបានធ្វើឡើងពីរថ្ងៃមុនជំនួបមួយ ដែលប្រធានាធិបតីអ៊ុយក្រែន លោក Volodymyr Zelenskiy និយាយថា លោកនឹងជួបជាមួយលោកប្រធានាធិបតី Donald Trump នៅសហរដ្ឋអាមេរិក ដើម្បីពិភាក្សាព័ត៌មានលម្អិតអំពីកិច្ចព្រមព្រៀងដើម្បីដោះស្រាយសង្គ្រាមដែលមានអាយុកាលជិតបួនឆ្នាំមកនេះ ដែលរុស្ស៊ីវាយលុកលើអ៊ុយក្រែន។

សាក្សីនិយាយថា ប្រព័ន្ធការពារដែនអាកាសកំពុងធ្វើប្រតិបត្តិការនៅក្នុងទីក្រុង ហើយបណ្តាញ Telegram ក្រៅផ្លូវការបានរាយការណ៍ពីការផ្ទុះជាច្រើន។ បណ្តាញTelegram របស់យោធាមួយបាននិយាយថា មីស៊ីលស៊ីបគោលដៅ និងមីស៊ីលបាលីស្ទីក កំពុងត្រូវបានដាក់ពង្រាយនៅក្នុងទីក្រុងគីវ។