នាព្រឹកថ្ងៃទី២៧ ខែធ្នូ ឆ្នាំ២០២៥ ឯកឧត្តម ឃួន ផុនរតនៈ ឯកអគ្គរាជទូតវិសាមញ្ញ និងពេញសមត្ថភាពនៃព្រះរាជាណាចក្រកម្ពុជា ប្រចាំសាធារណរដ្ឋកូរ៉េ និង លោកជំទាវ ម៉ៅ នរនាថ បាននាំយកអំណោយមនុស្សធម៌ចែកជូនដល់កងទ័ពជួរមុខ ដើម្បីលើកទឹកចិត្ត និងគាំទ្រដល់កិច្ចការពារបូរណភាពទឹកដី។ 

ពិធីនេះមានការអញ្ជើញចូលរួមពីសំណាក់ ឯកឧត្តម ម៉ៅ ធនិន អភិបាលខេត្តកំពត និងលោកជំទាវព្រមទាំងសហការី។

អំណោយដែលបានផ្ដល់ជូនរួមមាន៖ អង្ករ ៤តោន, មី ១០០កេស, ទឹកសុទ្ធ ១០០កេស, ទឹកត្រី ១០០យួរ និងទឹកស៊ីអ៊ីវ១០០យួរ មធ្យោបាយធ្វើដំណើរ៖ ម៉ូតូចំនួន ៥គ្រឿង ។ 

គ្រឿងឧបភោគបរិភោគ និងសម្ភារប្រើប្រាស់ (២.០១០ ឃីត ក្នុង ៤៧កេស)៖ ក្នុង ១ឃីត រួមមាន៖ អំបុកលីងសាច់ជ្រូកផាត់, បារី, ថ្នាំពេទ្យ, ស្ករគ្រាប់, ត្រសក់ចាវ, ឆៃប៉ូវផ្អែម និងក្រែមលាបរមាស់។