ប្រធានាធិបតីវេណេស៊ុយអេឡាលោក Nicolas Maduro បានធ្វើការច្រានចោលអ្វីដែលលោកចាត់ទុកថាជាការដាក់គំរូអាណានិគម និងការត្រួតត្រាទាសករលើប្រទេសរបស់លោកពីសំណាក់សហរដ្ឋអាមេរិក ។

លោក Maduro និយាយថា កិច្ចខិតខំរបស់សហរដ្ឋអាមេរិក ក្នុងការលួចធនធានធម្មជាតិរបស់វេណេស៊ុយអេឡា នឹងបរាជ័យ ហើយនិងបានចោទប្រកាន់ទីក្រុងវ៉ាស៊ីនតោនថា បង្កើតការពិតនិម្មិត ដើម្បីធ្វើឲ្យការអន្តរាគមន៍របស់ពួកគេត្រឹមត្រូវ ។

សេចក្តីអត្ថាធិប្បាយបែបនេះ បានកើតមានឡើង ស្របពេលភាពតានតឹងរវាងប្រទេសទាំង ឡើងកម្តៅកាន់តែខ្លាំង ។

កាលពីសប្តាហ៍មុន ប្រធានាធិបតីសហរដ្ឋអាមេរិកលោក Donald Trump បានប្រកាសបិទផ្លូវមានគោលដៅលើនាវាដឹកប្រេងរងទណ្ធកម្ម ចេញ-ចូលប្រទេសវេណេស៊ុយអេឡា ។

រដ្ឋបាលរបស់លោក Trump បានដាក់ពង្រាយទាហានរាប់ពាន់នាក់ ទៅកាន់តំបន់ការ៉ាអ៊ីប អមជាមួយនាវាផ្ទុកយន្តហោះ នាវាចម្បាំង និងយន្តហោះចម្បាំង ខណៈបើកការវាយប្រហារលើទូកសង្ស័័យជួញដូរគ្រឿងញៀនក្នុងតំបន់ ។

ខណៈពេលនោះដែរ យានដ្រូន MQ-9 Reaper របស់កងទ័ពអាកាសសហរដ្ឋអាមេរិក ត្រូវបានមើលឃើញផងដែរនៅអាកាសយានដ្ឋាន Rafael Hernandez ស្ថិតក្នុងទីក្រុង Aguadilla របស់ព័រតូរីកូ កាលពីថ្ងៃសុក្រ ពេលដែលសហរដ្ឋអាមេរិក បន្តពង្រឹងការឈ្លប់ការណ៍របស់ពួកគេនៅតំបន់ការ៉ាអ៊ីប ៕