ការរឹតបន្តឹងការជាន់ទឹកអាមេរិកជុំថ្មីមួយដែលដាក់ដោយរដ្ឋបាលរបស់ប្រធានាធិបតី Donald Trump បានចូលជាធរមានហើយកាលពីថ្ងៃព្រហស្បតិ៍ទី១មករា២០២៦នេះ ដោយអនុវត្តចំពោះអ្នកដំណើរទាំងជនអន្តោប្រវេសន៍ និងមិនមែនជនអន្តោប្រវេសន៍ និងគ្របដណ្តប់លើពីរប្រភេទ គឺការរឹតបន្តឹងពេញលេញ និងការរឹតបន្តឹងដោយផ្នែក។ 

យោងតាមសេចក្តីថ្លែងការណ៍របស់សេតវិមានដែលបានចេញផ្សាយកាលពីកន្លងទៅ សហរដ្ឋអាមេរិកបានដាក់ការរឹតត្បិតការចូលទៅកាន់ទឹកដីអាមេរិក ទាំងស្រុងលើជនជាតិ ប៊ួគីណា ហ្វាសូ ម៉ាលី នីហ្សេ ស៊ូដង់ខាងត្បូង និងស៊ីរី ក៏ដូចជាលើបុគ្គលកាន់ឯកសារធ្វើដំណើរដែលចេញដោយអាជ្ញាធរជាតិប៉ាឡេស្ទីន។

ប្រទេសឡាវ និងប្រទេសសៀរ៉ាឡេអូន ដែលកន្លងទៅធ្លាប់ត្រូវបានរងការរឹតបន្តឹងដោយផ្នែក ក៏ត្រូវបានដាក់ឱ្យស្ថិតនៅក្រោមការរឹតបន្តឹងការចូលទឹកដីអាមេរិកទាំងស្រុងផងដែរ។

ទន្ទឹមនឹងនេះ ការរឹតបន្តឹងការចូលទៅកាន់សហរដ្ឋអាមេរិកដោយផ្នែកត្រូវបានដាក់លើជនជាតិនៃប្រទេសចំនួន១៥ គឺ ប្រទេស អង់ហ្គោឡា អង់ទីហ្គា និងបាប៊ូដា បេនីន កូតឌីវ័រ ដូមីនីកា ហ្គាបុង ហ្គំប៊ី ម៉ាឡាវី ម៉ូរីតានី នីហ្សេរីយ៉ា សេណេហ្គាល់ តង់ហ្សានី តុងហ្គា ហ្សំប៊ី និងហ្ស៊ីមបាបវ៉េ៕