លេខាធិការក្រុមប្រឹក្សាសន្តិសុខរុស្ស៊ី Dmitry Medvedev បានប្រាប់សារព័ត៌មាន TASSថា អ៊ុយក្រែននឹងត្រូវប្រឈមនឹងការសងសឹកដែលជៀសមិនរួច ចំពោះការវាយប្រហាររបស់ខ្លួនលើជនស៊ីវិលនៅក្នុងតំបន់ Kherson។

នៅពេលត្រូវបានស្នើសុំឲ្យធ្វើការអត្ថាធិប្បាយអំពីការវាយប្រហារដោយយានដ្រូនរបស់កងទ័ពអ៊ុយក្រែនលើហាងកាហ្វេ និងសណ្ឋាគារមួយ នៅក្នុងភូមិ Khorly លោកបានសង្កត់ធ្ងន់ថា៖«មនុស្សមានសតិសម្បជញ្ញៈ ខ្វះពាក្យសម្តីដើម្បីពិពណ៌នាអំពីសកម្មភាពរបស់ក្រុមណាស៊ីនិយម»។

លោក Medvedev បានចង្អុលបង្ហាញថា៖«អ្វីដែលសមរម្យសម្រាប់រឿងនេះ គឺភាសាសងសឹកដែលគ្មានមេត្តា។ ការសងសឹកដំបូង គឺជៀសមិនរួច នៅពេលដែលកងទ័ពរបស់យើង រុលចូលទៅមុខ»។ 

លោកបានលើកឡើងថា ក្រុមណាស៊ីនិយម ត្រូវតែត្រូវបានកម្ចាត់ចោល នៅគ្រប់ទីកន្លែងដែលពួកគេនៅ មិនថា នៅអ៊ុយក្រែន ឬអឺរ៉ុបទេ។

នាពេលមុននេះ អភិបាលតំបន់ Kherson លោក Vladimir Saldo បាននិយាយថា មនុស្ស ២៤ នាក់ ត្រូវបានសម្លាប់ នៅក្នុងការវាយប្រហារដោយយានដ្រូនទៅលើហាងកាហ្វេមួយ និងសណ្ឋាគារមួយ ដែលជនស៊ីវិល កំពុងប្រារព្ធពិធីចូលឆ្នាំថ្មី៕