ប្រធានាធិបតីវ៉េណេស៊ុយអេឡា លោក នីកូឡាស ម៉ាឌូរ៉ូ (Nicolas Maduro) កាលពីថ្ងៃសុក្រ (ថ្ងៃទី ០២ ខែមករា) បានស្វាគមន៍លោក Qiu Xiaoqi បេសកជនពិសេសរបស់រដ្ឋាភិបាលចិន មកកាន់វិមាន Miraflores ដោយបានបញ្ជាក់ពីទំនាក់ទំនងជិតស្និទ្ធរបស់ប្រទេសទាំងពីរ។

កិច្ចប្រជុំនេះ មានការចូលរួមពីមន្ត្រីសំខាន់ៗរបស់ប្រទេសវ៉េណេស៊ុយអេឡា រួមទាំងអនុប្រធានាធិបតី ប្រតិបត្តិ លោក Delcy Rodriguez និងរដ្ឋមន្ត្រីការបរទេសលោក Yvan Gil រួមជាមួយគណៈប្រតិភូបច្ចេកទេស និងការទូតមកពីប្រទេសចិន។

យោងតាមទូរទស្សន៍របស់រដ្ឋាភិបាលវ៉េណេស៊ុយអេឡា ដំណើរទស្សនកិច្ចនេះ ត្រូវបានគេរំពឹងថា នឹង ផ្តោតលើការពិនិត្យឡើងវិញនូវកិច្ចព្រមព្រៀងទ្វេភាគីជាង ៦០០ ដែលមានស្រាប់។

ដំណើរទស្សនកិច្ចនេះ បានកើតឡើង នៅពេលដែលប្រធានាធិបតីអាមេរិកលោក ដូណាល់ ត្រាំ បានដាក់សម្ពាធកាន់តែខ្លាំងឡើងលើលោក ម៉ាឌូរ៉ូ រួមទាំងការដាក់ទណ្ឌកម្មដែលបានពង្រីក វត្តមានយោធាអាមេ រិកកាន់តែច្រើនៅក្នុងតំបន់នេះ ការវាយប្រហារជាង ២០លើក លើនាវាដែលត្រូវបានចោទប្រកាន់ថា ពាក់ព័ន្ធនឹងការជួញដូរគ្រឿងញៀន នៅក្នុងមហាសមុទ្រប៉ាស៊ីហ្វិក និងសមុទ្រការ៉ាអ៊ីប និងការរឹបអូសនាវាដឹកប្រេងថ្មីៗនេះដោយសហរដ្ឋអាមេរិក៕