លោកប្រធានាធិបតី ដូណាល់ ត្រាំ បាននិយាយនៅក្នុងបទសម្ភាសន៍ជាមួយសារព័ត៌មាន NBC News ថា សហរដ្ឋអាមេរិកមិនមានសង្គ្រាមជាមួយប្រទេសវ៉េណេស៊ុយអេឡាទេ។  

លោក ត្រាំ បាននិយាយថា៖ «ទេ យើងមិនធ្វើសង្គ្រាមទេ។ លោកបានកត់សម្គាល់ថា៖«យើងកំពុងធ្វើ   សង្គ្រាមជាមួយមនុស្សដែលបណ្តេញអ្នកទោសចេញពីពន្ធនាគាររបស់ពួកគេចូលមកក្នុងប្រទេសរបស់យើង ហើយបណ្តេញអ្នកញៀនថ្នាំ និងបណ្តេញស្ថាប័នផ្តល់ការថែទាំដល់អ្នកមានបញ្ហាផ្លូវចិត្តរបស់ពួកគេ ចូលមកក្នុងប្រទេសរបស់យើង»។

លោក ត្រាំ បានសង្កត់ធ្ងន់ថា សេតវិមានជឿថា ការបោះឆ្នោតថ្មីនឹងមិនត្រូវបានធ្វើឡើង នៅក្នុងប្រទេស   វ៉េណេស៊ុយអេឡា ក្នុងរយៈពេល ៣០ថ្ងៃ ខាងមុខទេ។

មេដឹកនាំអាមេរិករូបនេះ បាននិយាយ នៅពេលឆ្លើយសំណួរអំពីលទ្ធភាពនៃការបោះឆ្នោតនៅក្នុងប្រទេសវ៉េណេស៊ុយអេឡាក្នុងរយៈពេលមួយខែថា៖«យើងត្រូវជួសជុលប្រទេសនេះជាមុនសិន។ អ្នកមិនអាចមានការបោះឆ្នោតបានទេ។ ពុំមានវិធីណាដែលប្រជាជនអាចបោះឆ្នោតបានទេ»។ លោកបានបន្ថែមថា៖ «ទេ វានឹងត្រូវការពេលវេលា។ យើងត្រូវជួយប្រទេសនេះឲ្យមានស្ថិរភាពឡើងវិញសិន»។

លោក ត្រាំ ក៏បានដាក់ឈ្មោះក្រុមមន្ត្រីអាមេរិកមួយក្រុម ដែលនឹងដោះស្រាយកិច្ចការវ៉េណេស៊ុយអេឡា រួមមានរដ្ឋមន្ត្រីការបរទេស Marco Rubio រដ្ឋមន្ត្រីសង្គ្រាមលោក Pete Hegseth នាយសេនាធិការរងនៃសេតវិមាន លោក Stephen Miller និងអនុប្រធានាធិបតី លោក JD Vance។ លោកបាននិយាយថា៖«ពួកគេសុទ្ធតែមានជំនាញ គឺជំនាញខុសៗគ្នា»៕