ប្រធានាធិបតីដែលកំពុងកាន់តំណែងនៃសាធារណរដ្ឋអាហ្វ្រិកកណ្តាល (CAR) លោក Faustin-Archange Touadera បានបញ្ជាក់នៅក្នុងបទសម្ភាសន៍លើកដំបូងរបស់លោកជាមួយសារព័ត៌មាន TASS បន្ទាប់ពីឈ្នះការបោះឆ្នោតថា CAR សម្តែងការដឹងគុណដ៏ស្មោះស្ម័គ្រចំពោះប្រទេសរុស្ស៊ីសម្រាប់កិច្ចសហប្រតិបត្តិការ និងបានហៅចំណងមិត្តភាពបច្ចេកទេសយោធាថា ជាយុទ្ធសាស្ត្រ។

លោកបានថ្លែងថា៖«កិច្ចសហប្រតិបត្តិការរវាងសាធារណរដ្ឋអាហ្វ្រិកកណ្តាល និងសហព័ន្ធរុស្ស៊ី មិនបានចាប់ផ្តើមឥឡូវនេះទេ វាមានឫសគល់តាំងពីទសវត្សរ៍ឆ្នាំ ១៩៦០។ ប៉ុន្តែក្នុងរយៈពេលប៉ុន្មានឆ្នាំចុងក្រោយនេះ កិច្ចសហប្រតិបត្តិការនេះ ត្រូវបានពង្រឹង និងពង្រីកយ៉ាងខ្លាំង។ យើងសូមសម្តែងការដឹងគុណយ៉ាងស្មោះស្ម័គ្រចំពោះសហព័ន្ធរុស្ស៊ីចំពោះរឿងនេះ»។ «កិច្ចសហប្រតិបត្តិការរបស់យើងក៏រួមបញ្ចូលទាំងការ  បណ្តុះបណ្តាលបុគ្គលិកជាទូទៅ ក៏ដូចជាការបណ្តុះបណ្តាលកងកម្លាំងការពារជាតិ និងសន្តិសុខរបស់យើងផងដែរ។ នៅឆ្នាំ ២០១៨ រុស្ស៊ីបានផ្គត់ផ្គង់យើងនូវអាវុធធុនតូចជាង ២.000 ដើម។ កិច្ចសហប្រតិបត្តិការបច្ចេកទេសយោធារបស់យើង មានលក្ខណៈជាយុទ្ធសាស្ត្រ ហើយបានជួយយើងយ៉ាងសំខាន់ ក្នុងការយកឈ្នះលើបញ្ហាហាមឃាត់អាវុធ»៕