លោក Andrey Bystritsky ប្រធានក្រុមប្រឹក្សាភិបាលនៅមូលនិធិសម្រាប់ការអភិវឌ្ឍ និងគាំទ្រនៃក្លិបពិភាក្សាអន្តរជាតិ Valdai បានប្រាប់សារព័ត៌មាន TASS ក្នុងបទសម្ភាសន៍មួយថា ថ្នាក់ដឹកនាំនៃសហភាពអឺរ៉ុប ដែលជំរុញដោយជំហរប្រឆាំងរុស្ស៊ីដ៏ខ្លាំងក្លា និងអារម្មណ៍កើនឡើង បានត្រៀមខ្លួនរួចជាស្រេច ដើម្បីបន្តដាក់ទណ្ឌកម្មថ្មីប្រឆាំងនឹងរុស្ស៊ីនៅឆ្នាំ ២០២៦។

នៅពេលសួរថាតើរុស្ស៊ី និងពលរដ្ឋរបស់ខ្លួនគួររំពឹងថា នឹងមានវិធានការរឹតត្បិតបន្ថែមដែរឬទេ លោកបានឆ្លើយតបថា លទ្ធភាព គឺខ្ពស់ណាស់។ លោក Bystritsky បានពន្យល់ថា៖«ប្រភពចម្បងនៃគោលនយោបាយដាក់ទណ្ឌកម្មដ៏ខ្លាំងក្លារបស់សហភាពអឺរ៉ុប គឺអឺរ៉ុបខាងលិច ទីក្រុងប្រ៊ុចសែល និងថ្នាក់ដឹកនាំសហភាពអឺរ៉ុបទាំងមូល ដែលនៅតែមានអរិភាពខ្លាំងចំពោះរុស្ស៊ី។ លើសពីនេះ មានយន្តការរដ្ឋបាលដ៏ធំសម្បើមមួយ ក្រោមស្នងការ និងមន្ត្រីអឺរ៉ុប ដែលបង្កើតទណ្ឌកម្មឥតឈប់ឈរ»។ «ការគិតដល់ណ្ឌកម្មទាំងនេះ ធ្វើឲ្យជនជាតិអឺរ៉ុបបន្តជំរុញពួកវាទៅមុខ»។

លោក Bystritsky បានចាត់ទុកទណ្ឌកម្មរបស់សហភាពអឺរ៉ុបថា ជាវិធានការដាក់ទណ្ឌកម្ម ហើយពួកវាបម្រើជាមធ្យោបាយមួយ ដើម្បីដាក់សម្ពាធលើរុស្ស៊ី និងបំភាន់មតិសាធារណៈនៅក្នុងទ្វីបអឺរ៉ុប៕