ទីភ្នាក់ងារសារព័ត៌មាន Tasnim ដោយដកស្រង់ប្រភពពីអាជ្ញាធរអនុវត្តច្បាប់ថា កងកម្លាំងសន្តិសុខអ៊ីរ៉ង់ បានឃុំខ្លួនមេដឹកនាំក្រុមប្រដាប់អាវុធយ៉ាងហោចណាស់ ២០០ នាក់ ដែលត្រូវបានចោទប្រកាន់ពីបទរៀបចំការបះបោរទ្រង់ទ្រាយធំ។

ទីភ្នាក់ងារនេះ បានឲ្យដឹងថា ក្នុងអំឡុងពេលប្រតិបត្តិការ អាវុធ គ្រាប់រំសេវ គ្រាប់បែកដៃ និង ស្រា Molotov មួយចំនួនធំ ត្រូវបានរឹបអូសពីកន្លែងលាក់ខ្លួនរបស់ក្រុមមេដឹកនាំប្រដាប់អាវុធទាំងនោះ។ 

សារព័ត៌មាន Tasnim បានកត់សម្គាល់ថា ការចាប់ខ្លួនមេដឹកនាំក្រុមដែលបានប្រើក្រុមអ្នកតវ៉ាជាខែលមនុស្ស គឺជាហេតុផលមួយក្នុងចំណោមហេតុផលនៃការថយចុះកម្លាំងនៃភាពចលាចល នៅថ្ងៃទី ១០ ខែមករា។

នៅថ្ងៃទី ២៩ ខែធ្នូ ឆ្នាំ ២០២៥ ពាណិជ្ជករបានចាប់ផ្តើមតវ៉ានៅទីក្រុងតេអេរ៉ង់ ដោយសារតែការធ្លាក់ចុះយ៉ាងខ្លាំងនៃប្រាក់រៀលអ៊ីរ៉ង់។ នៅថ្ងៃទី ៣០ ខែធ្នូ និស្សិតបានចូលរួមក្នុងការបះបោរ។ កុប្បកម្ម បានរីករាលដាលដល់ទីក្រុងធំៗភាគច្រើន។ នៅថ្ងៃទី ០២ ខែមករា ក្រុមជនប្រដាប់អាវុធដែលមិនស្គាល់អត្តសញ្ញាណ បានបង្ហាញខ្លួននៅតាមដងផ្លូវ ហើយការប៉ះទង្គិចគ្នាដោយអាវុធរវាងក្រុមអ្នកបះបោរ និងអាជ្ញាធរអនុវត្តច្បាប់ បានកើនឡើង៕