សារព័ត៌មាន Bloomberg បានរាយការណ៍ដោយដកស្រង់ប្រភពថា អង្គការណាតូបានស្នើសុំឲ្យប្រទេសទួរគីបញ្ជូនយន្តហោះចម្បាំង F-16 ទៅល្បាតដែនអាកាសពីខាងលើប្រទេសបាល់ទិក មុនពេលកំណត់ជាច្រើនខែ។

យោងតាមប្រភពព័ត៌មាន អង្គការណាតូមានគម្រោងប្រើប្រាស់យន្តហោះទាំងនេះ ជាផ្នែកមួយនៃបេសកកម្មល្បាតដែនអាកាសបាល់ទិក និងធ្វើការប្តូរវេននៅអេស្តូនីក្នុងរយៈពេលមួយ ចាប់ពីខែសីហាដល់ខែធ្នូ ឆ្នាំ២០២៦។ ប្រភពព័ត៌មានអះអាងថា សម្ព័ន្ធយោធាអាត្លង់ទិកខាងជើង កំពុងបង្កើនការការពាររបស់ខ្លួន ដោយសារតែសកម្មភាពរបស់រុស្ស៊ី។

ដំបូងឡើយ ប្រទេសទួរគីមានគម្រោងដាក់ពង្រាយយន្តហោះចម្បាំងរបស់ខ្លួន នៅក្នុងប្រទេសរូម៉ានី ចាប់ពីខែធ្នូ ឆ្នាំ ២០២៦ ដល់ខែមីនា ឆ្នាំ ២០២៧។ រហូតមកដល់ពេលនេះ យោងតាមទីភ្នាក់ងារនេះ ប្រទេសទួរគីមិនទាន់បានធ្វើការសម្រេចចិត្តលើសំណើរបស់អង្គការណាតូ នៅឡើយទេ។

ដែនអាកាសពីខាងលើប្រទេសបាល់ទិក ដែលមិនមានកងទ័ពអាកាសផ្ទាល់ខ្លួន ត្រូវបានគ្រប់គ្រងដោយ   សម្ព័ន្ធមិត្តណាតូរបស់ពួកគេ។ ចាប់តាំងពីឆ្នាំ ២០០៤ យន្តហោះចម្បាំងរបស់អង្គការណាតូ ត្រូវបានដាក់ពង្រាយតាមមូលដ្ឋានប្តូរវេនទៅកាន់មូលដ្ឋាន Zokniai ក្នុងប្រទេសលីទុយអានី និងទៅកាន់មូលដ្ឋានទ័ពអាកាស Amari ក្នុងប្រទេសអេស្តូនី ចាប់តាំងពីឆ្នាំ ២០១៤៕