មន្ត្រីនគរបាលឈីលីពីរនាក់ បានរងរបួសក្នុងអំឡុងថ្ងៃទីពីរនៃប្រតិបត្តិការរុះរើដោយហិង្សានៅតំបន់លំនៅឋានខុសច្បាប់នៅតំបន់ភ្នំ Cerro Centinela ក្នុងទីក្រុង San Antonio ប្រទេសឈីលី។

នាយកមន្ទីរពេទ្យ លោក Ximena Parada បានបញ្ជាក់ថា មន្ត្រីម្នាក់បានរងរបួសដោយគ្រាប់កាំភ្លើងនៅកែងដៃខាងឆ្វេង ខណៈម្នាក់ទៀតត្រូវបានបាញ់ចំភ្លៅខាងស្តាំ។

ឧត្តមសេនីយ៍នគរបាល លោក Patricia Vasquez បាននិយាយថា អាជ្ញាធរបានជួបប្រទះអំពើហិង្សាពាក់ព័ន្ធនឹងអាវុធ ក្នុងអំឡុងពេលចុះប្រតិបត្តិការ។

ការរុះរើបណ្តេញចេញដោយហិង្សា ដែលបានចាប់ផ្តើមកាលពីថ្ងៃចន្ទ ទី១២ ខែមករា បានជួបប្រទះការតតាំងយ៉ាងខ្លាំងពីប្រជាជនដែលបានសាងសង់របាំង និងចូលរួមក្នុងការប្រឈមមុខដាក់គ្នាជាមួយនគរបាលដោយប្រើប្រាស់ឧស្ម័នបង្ហៀរទឹកភ្នែក និងកាណុងបាញ់ទឹក។

វីដេអូថតដោយយានដ្រូន បានបង្ហាញលំនៅឋានដែលកំពុងឆេះក្នុងអំឡុងពេលប៉ះទង្គិចគ្នានៅកន្លែងកាន់កាប់ដោយខុសច្បាប់ទ្រង់ទ្រាយធំ ។