ទាហានប្រទេសគុយបា ត្រូវបានគេមើលឃើញនៅឯអាកាសយានដ្ឋានអន្តរជាតិឡាហាវ៉ាន កំពុងអនុវត្តពិធីសារមាតុភូមិនិវត្តន៍សាកសពឆ្មាំដែលត្រូវបានសម្លាប់នៅប្រទេសវ៉េណេស៊ុយអេឡា ក្នុងការវាយប្រហារកាលពីថ្ងៃទី៣ ខែមករា ដែលសហរដ្ឋអាមេរិកបាននិយាយថាក្នុងបំណងផ្តួលរំលំប្រធានាធិបតី លោក Nicolas Maduro ។

យោងតាមរដ្ឋាភិបាលបានឲ្យដឹងថា សាកសពជនរងគ្រោះចំនួន៣២នាក់ត្រូវបានគេរំពឹងថានឹងទៅដល់នៅថ្ងៃព្រហស្បតិ៍ ទី១៥ ខែមករានេះនៅទីក្រុងឡាហាវ៉ាន ហើយត្រូវបានបញ្ជូនទៅទីស្នាក់ការកណ្តាលក្រសួងកងកម្លាំងប្រដាប់អាវុធបដិវត្តន៍សម្រាប់ពិធីរំលឹកវិញ្ញាណក្ខន្ធជាសាធារណៈ។ ការគោរពវិញ្ញាណក្ខន្ធនឹងបញ្ចប់នៅថ្ងៃសុក្រ ទី១៦ ខែមករា ជាមួយនឹងពិធីបុណ្យសពនៅសាល «Fallen in Defense» ក្នុងទីក្រុងនីមួយៗរបស់ជនរងគ្រោះ។ រដ្ឋាភិបាលគុយបា បាននិយាយថា ពលរដ្ឋរបស់ខ្លួនចំនួន៣២នាក់ត្រូវបានសម្លាប់ក្នុងអំឡុងពេលវាយឆ្មក់របស់សហរដ្ឋអាមេរិកដើម្បីចាប់ខ្លួនលោក Maduroo ទៅកាត់ទោសនៅសហរដ្ឋអាមេរិក។

គុយបា បានផ្តល់សន្តិសុខមួយចំនួនសម្រាប់លោក Maduro ចាប់តាំងពីលោកឡើងកាន់តំណែង។ វាមិនច្បាស់នោះទេថាមានទាហានគុយបាប៉ុន្មាននាក់កំពុងយាមប្រធានាធិបតីវ៉េណេស៊ុយអេឡានៅពេលដែលបានស្លាប់ក្នុងការវាយប្រហារ និងប៉ុន្មាននាក់ទៀតអាចស្លាប់នៅកន្លែងផ្សេងទៀត។