នាយកប្រតិបត្តិរបស់ក្រុមហ៊ុនផលិតរថយន្តរុស្ស៊ីលោក Maxim Sokolov បានប្រាប់អ្នកយកព័ត៌មានថា ក្រុមហ៊ុន Avtovaz រំពឹងថា នឹងលក់រថយន្តប្រហែល ៣៦០.000 គ្រឿង នៅក្នុងទីផ្សារក្នុងស្រុក និងនាំចេញចំនួន ៣០.០០០គ្រឿង នៅក្នុងឆ្នាំ ២០២៦។ 

លោក Sokolov បាននិយាយថា៖«យើងមានគម្រោងលក់រថយន្តប្រហែល ៣៧០.០០០ គ្រឿង នៅក្នុងទីផ្សាររុស្ស៊ី។ ទោះជាយ៉ាងណាក៏ដោយ យើងត្រៀមខ្លួនរួចជាស្រេច ដើម្បីបង្កើនបរិមាណ។ អ្វីគ្រប់យ៉ាងនឹងអាស្រ័យលើទីផ្សារ ហើយទីផ្សារ នឹងអាស្រ័យលើលក្ខខណ្ឌម៉ាក្រូសេដ្ឋកិច្ច ដែលយើងនឹងឃើញ។ យើងមានគម្រោងផលិតរថយន្តប្រហែល ៣០.000 គ្រឿង សម្រាប់ការនាំចេញ ដើម្បីរក្សាតុល្យភាពនៃការ ផលិត និងស្តុក ដែលមាននៅពេលនេះ។ ទោះជាយ៉ាងណាក៏ដោយ ប្រសិនបើអត្រាប្រាក់រូប្លិ៍ខុសគ្នាបន្តិចបន្តួច នោះផែនការនាំចេញបែបនេះ ក៏អាចផ្លាស់ប្តូរបន្តិចបន្តួចផងដែរ»។

នាយកប្រតិបត្តិរូបនេះ បាននិយាយថា ទីផ្សាររថយន្តថ្មី និងរថយន្តពាណិជ្ជកម្មស្រាល អាចកើនឡើងដល់១,៥ លានគ្រឿង នៅឆ្នាំ ២០២៦។

លោក Sokolov បានកត់សម្គាល់ថា៖ «ជាការពិត ឆ្នាំ ២០២៦ ក៏អាចនឹងមានផលវិជ្ជមានជាច្រើនផង ដែរ។ ខ្ញុំចង់ឲ្យពួកគេមានភាពវិជ្ជមាន។ ដូចដែលយើងរំពឹងទុកថា ទីផ្សាររថយន្ត នឹងមិនរីកចម្រើនខ្លាំងនោះទេ ហើយនឹងមានត្រឹមតែ ១,៥ លានគ្រឿងប៉ុណ្ណោះ» ក្រុមហ៊ុនផលិតរថយន្តមានគម្រោងផលិតរថយន្តចំនួន ៤០០.000 គ្រឿង នៅឆ្នាំនេះ។

ក្រុមហ៊ុន Avtovaz បានលក់រថយន្តម៉ាក Lada ចំនួន ៣៣៨.000 គ្រឿង គិតត្រឹមចុងឆ្នាំ ២០២៥ ដែលតិចជាង ២៦% បើធៀបនឹងឆ្នាំ ២០២៤៕