រដ្ឋមន្ត្រីការបរទេសអ៊ីរ៉ង់ លោក Abbas Araghchi បាននិយាយថា អ៊ីស្រាអែលបានព្យាយាមអូសទាញប្រធានាធិបតីអាមេរិក លោក ដូណាល់ ត្រាំ និងរដ្ឋបាលរបស់ខ្លួន ឲ្យចូលទៅក្នុងជម្លោះជាមួយទីក្រុងតេអេរ៉ង ដោយបានបញ្ចូលក្រុមភេរវករទៅក្នុងហ្វូងមនុស្សដែលកំពុងតវ៉ា។ 

លោកបានថ្លែងនៅក្នុងបទសម្ភាសន៍ជាមួយទូរទស្សន៍ Fox News ថា៖«រយៈពេលបីថ្ងៃមកហើយ យើងបានប្រយុទ្ធប្រឆាំងនឹងភេរវករ មិនមែនជាមួយអ្នកតវ៉ាទេ។ នេះ គឺជារឿងខុសគ្នាទាំងស្រុង»។ «ពួកគេបានចាប់ផ្តើមបាញ់ប្រហារមនុស្សដោយហេតុផលមួយ គឺពួកគេចង់បង្កើនចំនួនអ្នកស្លាប់។ ហេតុអ្វី? ពីព្រោះលោកប្រធានាធិបតី ត្រាំ បាននិយាយថា ប្រសិនបើមានអ្នកសម្លាប់ច្រើន លោកនឹងធ្វើអន្តរាគមន៍ ហើយពួកគេចង់អូសទាញលោកចូលទៅក្នុងជម្លោះនេះ»។

លោកបានសង្កត់ធ្ងន់ថា៖«នោះហើយគឺជាផែនការរបស់អ៊ីស្រាអែលយ៉ាងពិតប្រាកដ។ ពួកគេចង់អូសទាញលោកប្រធានាធិបតីសហរដ្ឋអាមេរិកចូលទៅក្នុងជម្លោះនេះ»។

ភាពចលាចលនៅក្នុងប្រទេសអ៊ីរ៉ង់ បានចាប់ផ្តើមនៅថ្ងៃទី ២៩ ខែធ្នូ បន្ទាប់ពីការតវ៉ាតាមដងផ្លូវដែលបង្កឡើងដោយការធ្លាក់ចុះយ៉ាងខ្លាំងនៃអត្រាប្តូរប្រាក់រីអាល់អ៊ីរ៉ង់ ហើយបានរីករាលដាលដល់ទីក្រុងធំៗភាគច្រើន។ អាជ្ញាធរបានរាយការណ៍ពីការស្លាប់របស់មន្ត្រីអនុវត្តច្បាប់ចំនួន ៤០នាក់។ យោងតាមរដ្ឋមន្ត្រីការបរទេសអ៊ីរ៉ង់ លោក Abbas Araghchi ភេរវករប្រដាប់អាវុធបានបង្ហាញខ្លួនក្នុងចំណោមក្រុមបាតុករ នៅថ្ងៃទី ០៨ ខែមករា។ អាជ្ញាធរអ៊ីរ៉ង់បានស្តីបន្ទោសអ៊ីស្រាអែល និងសហរដ្ឋអាមេរិកចំពោះការរៀបចំភាព   ចលាចលនេះ។

លោក ត្រាំ បាននិយាយនាពេលថ្មីៗនេះថា លោកកំពុងពិចារណាយ៉ាងហ្មត់ចត់អំពីការប្រើប្រាស់កម្លាំងប្រឆាំងនឹងទីក្រុងតេអេរ៉ង់៕