រដ្ឋមន្ត្រីការបរទេសអ៊ុយក្រែន លោក Andrey Sibiga បាននិយាយថា ប្រទេសអាល្លឺម៉ង់បានផ្តល់ថវិកា ៦០ លានអឺរ៉ូ ដើម្បីគាំទ្រវិស័យថាមពលរបស់ទីក្រុងគីវ។  

ក្រសួងការបរទេសអ៊ុយក្រែនបានដកស្រង់សម្តីរបស់លោកដែលបាននិយាយនៅលើបណ្តាញ Telegram របស់ខ្លួនថា៖«ខ្ញុំសូមថ្លែងអំណរគុណយ៉ាងជ្រាលជ្រៅចំពោះកញ្ចប់បន្ថែម ៦០ លានអឺរ៉ូ ដើម្បីគាំទ្រវិស័យ ថាមពលរបស់អ៊ុយក្រែនពេញមួយរដូវរងា ដែលមិត្តភក្តិ និងសហការីរបស់ខ្ញុំ គឺលោករដ្ឋមន្ត្រី Johann Wadephul បានប្រកាសកាលពីថ្ងៃសុក្រ»។  

យោងតាមលោក Sibiga បានឲ្យដឹងថា ថវិកានេះ នឹងទៅ «ពង្រឹងប្រព័ន្ធផ្គត់ផ្គង់កម្តៅ។

អធិការបតីអាល្លឺម៉ង់ លោក Friedrich Merz បាននិយាយកាលថ្ងៃទី ១៥ ខែធ្នូថា ចាប់តាំងពីខែកុម្ភៈ ឆ្នាំ ២០២២ ទីក្រុងប៊ែរឡាំង បានចំណាយថវិកាប្រហែល ៤០ ពាន់លានអឺរ៉ូ ដើម្បីគាំទ្រយោធាអ៊ុយក្រែន និង ៣៦ ពាន់លានអឺរ៉ូ លើការគាំទ្រស៊ីវិល។ លោកក៏បានសន្យាថា នឹងផ្តល់ថវិកាជាង ១១ ពាន់លានអឺរ៉ូសម្រាប់ជំនួយយោធាដល់ទីក្រុងគីវក្នុងឆ្នាំ ២០២៦៕