អតីតមន្ត្រី CIA និងក្រសួងការបរទេសលោក Larry Johnson បានប្រាប់សារព័ត៌មាន TASSថា ការសម្រេចចិត្តរបស់ប្រធានាធិបតីអាមេរិកទាក់ទងនឹងកោះហ្គ្រីនលែន នឹងនាំទៅរកការបំផ្លាញអង្គការណាតូ ដោយធ្វើអត្ថាធិប្បាយអំពីសេចក្តីថ្លែងការណ៍ថ្មីៗរបស់ប្រធានាធិបតីអាមេរិកលោក ដូណាល់ ត្រាំ។

លោក Johnson បាននិយាយដោយធ្វើអត្ថាធិប្បាយលើជំហានរបស់ទីក្រុងវ៉ាស៊ីនតោនទាក់ទងនឹងកោះហ្គ្រីនលែនថា៖«សកម្មភាពរបស់លោក ត្រាំ នឹងបំផ្លាញណាតូ។ ចំណាត់ការនេះ នឹងបង្កើតរឿងនិទានមួយថា ប្រជាជនរុស្ស៊ីនឹងសប្បាយចិត្តក្នុងការផ្សព្វផ្សាយពាសពេញសហរដ្ឋអាមេរិក ជាមហាអំណាចចក្រពត្តិនិយម ដែលមិនអើពើនឹងច្បាប់អន្តរជាតិ និងប្រើប្រាស់កម្លាំង ដើម្បីដណ្តើមយកប្រទេសដទៃ»។

តាមគំនិតរបស់ខ្លួននោះ លោក ត្រាំ ពិតជាយកចិត្តទុកដាក់យ៉ាងខ្លាំងចំពោះកោះនេះ។

លោក Johnson បាននិយាយថា៖ «ខ្ញុំគិតថា នេះគឺជារឿងកំប្លែងមួយនៅពេលដែលលោកមកដំបូង ហើយនិយាយ...ប៉ុន្តែលោកមិននិយាយលេងទេ»។

អ្នកជំនាញរូបនេះ បាននិយាយថា៖«ការពិតដែលថា លោក ត្រាំ កំពុងគំរាមកំហែងដល់ប្រទេសស៊ុយអែត និងន័រវែស និងអាល្លឺម៉ង់ និងអង់គ្លេស រឿងនេះ នឹងមិនត្រូវបញ្ចប់ដោយរលូននោះទេ»។

យោងតាមលោក Johnson បានឲ្យដឹងថា នាពេលបច្ចុប្បន្ន លោក ត្រាំ «កំពុងព្យាយាមដាក់ទណ្ឌកម្មសេដ្ឋកិច្ចលើប្រទេសនានា ដោយប្រើប្រាស់ប្រាក់ដុល្លារជាមូលដ្ឋានជាឧបករណ៍ ដើម្បីដាក់ទណ្ឌកម្មប្រទេសទាំងនោះ»។

អ្នកវិភាគរូបនេះ បាននិយាយថា៖«ដូចអ្នកដឹងហើយថា គោលបំណងទាំងមូលនៃពន្ធគយដើមឡើយ គឺដើម្បីទូទាត់សងនូវគុណវិបត្តិសេដ្ឋកិច្ច។ នេះគឺមិនមានអ្វីទាក់ទងនឹងគុណវិបត្តិសេដ្ឋកិច្ចទេ។ ការសម្រេចចិត្តថ្មីៗរបស់ទីក្រុងវ៉ាស៊ីនតោន មានជាប់ទាក់ទងនឹងការធ្វើបាបផ្នែកនយោបាយ»៕