ព្យុះថ្មីមួយត្រូវបានគេព្យាករណ៍ថានឹងវាយប្រហារតំបន់ហ្កាហ្សា ដែលបន្ថែមទុក្ខវេទនាដល់ប្រជាជនប៉ាឡេស្ទីនរាប់ម៉ឺននាក់កំពុងរស់នៅក្នុងតង់បណ្តោះអាសន្ននៅជំរំជនភៀសខ្លួន ដែលមិនស័ក្តិសមសម្រាប់ទប់ទល់នឹងអាកាសធាតុរដូវរងាដ៏ធ្ងន់ធ្ងររួចទៅហើយ។

សង្គ្រាមប្រល័យពូជសាសន៍ជាងពីរឆ្នាំរបស់អ៊ីស្រាអែលបានបង្ខំឱ្យប្រជាជនហ្កាហ្សាស្ទើរតែទាំងអស់ដែលមានចំនួនពីរលាននាក់ចាកចេញពីផ្ទះសម្បែងរបស់ពួកគេឱ្យរស់នៅក្នុងជម្រកបណ្តោះអាសន្នទាំងនេះ។

កាលពីសប្តាហ៍មុន ការិយាល័យប្រព័ន្ធផ្សព្វផ្សាយរដ្ឋាភិបាលហ្កាហ្សាបានរាយការណ៍ថា តង់ចំនួន ១២៧.០០០កន្លែង ក្នុងចំណោមតង់ចំនួន១៣៥.០០០កន្លែងនៅក្នុងជំរំជនភៀសខ្លួន មិនអាចប្រើប្រាស់បានដោយសារតែអាកាសធាតុត្រជាក់ខ្លាំងពេកនាពេលថ្មីៗនេះ។

លោក Tareq Abu Azzoum អ្នកឆ្លើយឆ្លងព័ត៌មានរបស់សារព័ត៌មាន Al Jazeera បានរាយការណ៍ពីទីក្រុងហ្កាហ្សាកាលពីថ្ងៃចន្ទ ១៩ មករា សប្ដាហ៍នេះ ថា ការពិតនៅលើដីប្រាប់ពីរឿងរ៉ាវដ៏ឈឺចាប់ និងអាប់អួរ សម្រាប់ប្រជាជនហ្កាហ្សា។

មនុស្សរាប់ម៉ឺនគ្រួសារដែលត្រូវបានបណ្តេញចេញពីផ្ទះសម្បែង នៅតែរស់នៅក្នុងតង់រហែក និងផ្ទះគ្មានដំបូល ដែលប្រឈមនឹងភ្លៀង ភាពត្រជាក់ និងយប់ដ៏ត្រជាក់៕