ប្រធានាធិបតីអាមេរិក លោក ដូណាល់ ត្រាំ ( Donald Trump) ជឿជាក់ថា បណ្តាប្រទេសនៅអឺរ៉ុប ត្រូវការការផ្សះផ្សាជាមួយអ៊ុយក្រែនច្រើនជាងសហរដ្ឋអាមេរិក។

លោកបាននិយាយថា៖«អឺរ៉ុបនឹងក្លាយជាផ្នែកមួយនៃដំណោះស្រាយជម្លោះអ៊ុយក្រែន។ វាត្រូវតែជាផ្នែកមួយនៃដំណោះស្រាយចំពោះវិបត្តិនេះ» ដោយនិយាយអំពីកិច្ចខិតខំប្រឹងប្រែងរបស់រដ្ឋបាលលោក ក្នុងការដោះស្រាយជម្លោះអ៊ុយក្រែន។ «ខ្ញុំកំពុងធ្វើរឿងនេះសម្រាប់អឺរ៉ុបច្រើនជាងខ្លួនឯង។ ខ្ញុំកំពុងធ្វើកិច្ចការនេះ ដើម្បីជួយសង្គ្រោះជីវិត គឺទី១ ហើយទី២ ធ្វើដើម្បីអឺរ៉ុប»។

លោក ត្រាំ បានបន្តថា៖«អ្នកដឹងហើយថា យើងមិនរងផលប៉ះពាល់ដោយជម្លោះនេះទេ»។ «យ៉ាងណាក៏ដោយ វាមានចម្ងាយរាប់ពាន់ម៉ាយ។ យើងត្រូវបានបំបែកដោយមហាសមុទ្រមួយ។ យើងនឹងរង់ចាំមើលថាតើខ្ញុំអាចបញ្ចប់ជម្លោះនេះបានឬអត់»៕