ប្រជាជនត្រូវបានជាប់គាំងនៅក្រោមការបាញ់ប្រហារគ្នាយ៉ាងខ្លាំងក្លា ហើយមិនចេញទៅកន្លែងណាបានទេ បន្ទាប់ពីទីក្រុងរបស់ពួកគេនៅភាគខាងកើតសាធារណរដ្ឋប្រជាធិបតេយ្យកុងហ្គោ បានធ្លាក់ក្រោមការគ្រប់គ្រងរបស់ក្រុមប្រដាប់អាវុធ M23 កាលពីមួយឆ្នាំកន្លងមកនេះ។

ប្រជាជនប្រហែលមួយលាននាក់នៅទីក្រុង Goma ត្រូវបានលាក់ខ្លួន នៅក្នុងផ្ទះរបស់ពួកគេ នៅថ្ងៃទី ២៦ ខែមករា ឆ្នាំ ២០២៥ នៅពេលដែលកងទ័ពកុងហ្គោ និងសម្ព័ន្ធមិត្តរបស់ខ្លួន ត្រូវបានបង្ខំឲ្យដកខ្លួនចេញពីរដ្ឋធានីនេះ។

ទាហានរ្វ៉ាន់ដារាប់រយនាក់ទើបតែបានឆ្លងកាត់ព្រំដែន ដើម្បីប្រយុទ្ធជាមួយក្រុមឧទ្ទាម M23 ក្នុងការវាយលុកដោយផ្លេកបន្ទោរ ដើម្បីដណ្តើមយកទីក្រុងមាត់បឹងនេះ។

មនុស្សរាប់ពាន់នាក់ ត្រូវបានសម្លាប់ នៅក្នុងការប៉ះទង្គិចគ្នាដ៏ខ្លាំងក្លានេះ។

លោក Janvier Kamundu ដែលឈ្មោះរបស់ខ្លួន ត្រូវបានផ្លាស់ប្តូរដោយសារហេតុផលសន្តិសុខ កំពុងលាក់ខ្លួន នៅក្នុងផ្ទះជាមួយប្រពន្ធ និងកូនៗរបស់លោក ពីការប្រយុទ្ធគ្នា។ 

លោកបានរំលឹកថា៖«ភ្លាមៗនោះ ខ្ញុំបានឮប្រពន្ធខ្ញុំសែ្រកយំ។ គាត់បានដួល ដោយសារត្រូវគ្រាប់កាំភ្លើងមួយគ្រាប់»៕