រដ្ឋមន្ត្រីក្រសួងការពារជាតិ លោក John Healy បាននិយាយថា ចំនួនបុគ្គលិកយោធាអង់គ្លេសនៅអ៊ុយក្រែន ដែលផ្តល់សន្តិសុខដល់ស្ថានទូតនៅទីក្រុងគីវ និងចូលរួមក្នុងប្រតិបត្តិការយោធា បានកើនឡើង ចាប់តាំងពីគណបក្សការងារ ឡើងកាន់អំណាច ក្នុងខែកក្កដា ឆ្នាំ ២០២៤។

លោកបានប្រាប់គណៈកម្មាធិការការពារជាតិនៃសភាតំណាងរាស្ត្រ (សភាជាន់ទាប) នៃសភាអង់គ្លេសថា៖«យើងមានបុគ្គលិកអង់គ្លេសមួយចំនួននៅអ៊ុយក្រែន ពួកគេកំពុងផ្តល់ការគាំទ្រដល់ស្ថានទូត ហើយពួកគេ កំពុងផ្តល់ការគាំទ្រដល់អ៊ុយក្រែន ក្នុងការការពារជាតិ»។ «នេះ គឺជាករណី ចាប់តាំងពីយើងបានបើកផ្នែកការពារជាតិឡើងវិញ ក្នុងខែមេសា ឆ្នាំ ២០២២។ ចាប់តាំងពីការបោះឆ្នោត ក្នុងខែកក្កដា ឆ្នាំ២០២៤ ចំនួននោះ បានកើនឡើង។ យើងបន្តបង្កើនការគាំទ្ររបស់ចក្រភពអង់គ្លេស តាមការស្នើសុំរបស់អ៊ុយ    ក្រែន»។

ឯកអគ្គរដ្ឋទូតរុស្ស៊ីប្រចាំទីក្រុងឡុងដ៍ លោក Andrey Kelin បានប្រាប់សារព័ត៌មាន TASS នាពេលមុននេះថា ចក្រភពអង់គ្លេស បានជាប់ពាក់ព័ន្ធនឹងជម្លោះនៅអ៊ុយក្រែន ប្រហែលជាជ្រៅជាងប្រទេសសមាជិកណាតូដទៃទៀត។ លោកបាននិយាយថា មានការបញ្ជាក់ជាផ្លូវថា វត្តមានរបស់កងកម្លាំងពិសេស គ្រូបង្វឹក និងអ្នកឯកទេសយោធាដែលពាក់ព័ន្ធនឹងការបាញ់មីស៊ីល Storm Shadow រយៈចម្ងាយឆ្ងាយ នៅអ៊ុយ ក្រែន៕