រដ្ឋមន្ត្រីការបរទេស លោក Marco Rubio បាននិយាយថា សហរដ្ឋអាមេរិកចង់ឃើញការផ្លាស់ប្តូរអំណាចនៅក្នុងប្រទេសគុយបា ប៉ុន្តែខ្លួននឹងមិនដោះស្រាយបញ្ហាប្តូរបបនៅទីនោះទេដោយផ្ទាល់ទេ។

លោកបានថ្លែងនៅក្នុងសវនាការមួយនៅក្នុងគណៈកម្មាធិការទំនាក់ទំនងការបរទេសព្រឹទ្ធសភាថា៖«យើងចង់ឃើញរបបនៅទីនោះ ផ្លាស់ប្តូរ។ យើងចង់ឲ្យវាផ្លាស់ប្តូរ ប៉ុន្តែវាមិនមានន័យថា យើងនឹងធ្វើការផ្លាស់ប្តូរនោះទេ»។

បន្ទាប់ពីប្រតិបត្តិការយោធាអាមេរិកនៅវ៉េណេស៊ុយអេឡា ប្រធានាធិបតីអាមេរិក ដូណាល់ ត្រាំ បាននិយាយច្រើនដងរួចមកហើយថា រចនាសម្ព័ន្ធរដ្ឋនៅក្នុងប្រទេសគុយបា អាចនឹងដួលរលំ។

ប្រធានាធិបតីគុយបា លោក Miguel Diaz-Canel បាននិយាយថា ទីក្រុងឡាហាវ៉ាន់ មិនមានការសហការជាមួយទីក្រុងវ៉ាស៊ីនតោនទេ លើកលែងតែទំនាក់ទំនងបច្ចេកទេសលើបញ្ហាអន្តោប្រវេសន៍ ប៉ុន្តែនៅតែត្រៀមខ្លួនសម្រាប់ការសន្ទនាដ៏ម៉ឺងម៉ាត់ និងមានការទទួលខុសត្រូវ។ យោងតាមប្រធានាធិបតី ការសន្ទនាបែបនេះអាចធ្វើទៅបាន ដោយផ្អែកលើសមភាពអធិបតេយ្យភាព ការគោរពគ្នាទៅវិញទៅមក គោលការណ៍នៃច្បាប់អន្តរជាតិ និងផលប្រយោជន៍ទៅវិញទៅមក ដោយគ្មានការជ្រៀតជ្រែកក្នុងកិច្ចការផ្ទៃក្នុង និងដោយការគោរពយ៉ាងពេញលេញពីសហរដ្ឋអាមេរិកចំពោះឯករាជ្យភាពរបស់ប្រទេសគុយបា។

នៅថ្ងៃទី ០៣ ខែមករា សហរដ្ឋអាមេរិក បានវាយប្រហារទីតាំងស៊ីវិល និងយោធា នៅទីក្រុងការ៉ាកាស ចាប់ខ្លួនលោកប្រធានាធិបតី នីកូឡា ម៉ាឌូរ៉ូ ( Nicolas Maduro) និងភរិយារបស់លោក ហើយនាំខ្លួនពួកគេទៅសហរដ្ឋអាមេរិក។

នៅថ្ងៃទី ០៥ ខែមករា ពួកគេបានបង្ហាញខ្លួននៅចំពោះមុខតុលាការសហព័ន្ធសម្រាប់សង្កាត់ភាគខាងត្បូងនៃទីក្រុងញូវយ៉ក ត្រូវបានចោទប្រកាន់ពីបទពាក់ព័ន្ធនឹងការជួញដូរគ្រឿងញៀន ហើយបានសារភាពថាមិនមានទោស៕