នាយករដ្ឋមន្ត្រី លោក Keir Starmer បាននិយាយថា ចក្រភពអង់គ្លេសនឹង «ធ្វើការងារបន្ថែមទៀត» ជាមួយសហភាពអឺរ៉ុបលើវិស័យការពារជាតិ រួមទាំងតាមរយៈគំនិតផ្តួចផ្តើមនៅទូទាំងប្លុក ដើម្បីជំរុញស្តុកសព្វាវុធដែលទីក្រុងឡុងដ្រ៏មិនទាន់បានចូលរួមនៅឡើយ។

ការអធិប្បាយទាំងនេះធ្វើឡើងបន្ទាប់ពីការចរចាសម្រាប់ទីក្រុងឡុងដ្រ៏ដើម្បីដំណើរការគម្រោងប្រាក់កម្ចីបំពាក់អាវុធជាថ្មីចំនួន១៥០ពាន់លានអឺរ៉ូ (១៧៤ពាន់លានដុល្លារអាមេរិក) របស់សហភាពអឺរ៉ុប ដែលបានបញ្ចប់ដោយការបរាជ័យកាលពីឆ្នាំមុន ក្នុងពេលមានការមិនចុះសម្រុងគ្នាលើថ្លៃឈ្នួលសម្រាប់ការចូល។

នៅក្រៅដំណើរទស្សនកិច្ចទៅកាន់ប្រទេសចិនក្នុងសប្តាហ៍នេះ លោក Starmer បានប្រាប់អ្នកសារព័ត៌មានថា លោកនៅតែបើកចំហចំពោះការស្វែងរកកិច្ចសហប្រតិបត្តិការកាន់តែជិតស្និទ្ធ។ មេដឹកនាំចក្រភពអង់គ្លេសបាននិយាយថា«ខ្ញុំគិតថា ទាំងលើការចំណាយ លើសមត្ថភាព និងកិច្ចសហប្រតិបត្តិការ យើងត្រូវធ្វើការងារបន្ថែមទៀតជាមួយគ្នា»។ ប្រទេសនៅអឺរ៉ុប បានប្រញាប់ប្រញាល់ជំរុញផ្នែកយោធា ចាប់តាំងពីការឈ្លានពានរបស់រុស្ស៊ីលើអ៊ុយក្រែនក្នុងឆ្នាំ២០២២ ដោយទីក្រុងព្រុចសែល បានចាប់ផ្តើមដំណើរការគំនិតផ្តួចផ្តើម សកម្មភាពសន្តិសុខសម្រាប់អឺរ៉ុបក្នុងការការឆ្លើយតប។ ដោយត្រូវបានបង្កើតឡើងដើម្បីផ្តល់ប្រាក់កម្ចីដល់ប្រទេសសហភាពអឺរ៉ុបក្នុងអត្រាការប្រាក់ទាបនិងជួយពួកគេឱ្យរៀបចំឡើងវិញ ទីក្រុងឡុងដ៍និងទីក្រុងព្រុចសែល មានភាពមិនចុះសម្រុងគ្នាជាច្រើនខែមកហើយលើកម្រិតនៃការចូលរួមចំណែកដែលចក្រភពអង់គ្លេសនឹងធ្វើដើម្បីចូលរួម ប៉ុន្តែបានពុំបានចុះហត្ថលេខាលើកិច្ចព្រមព្រៀង។ វាគឺជាការដើរថយក្រោយនៅក្នុងការប៉ុនប៉ងរបស់លោក Starmer ក្នុងបំណងកសាងទំនាក់ទំនងក្រោយការចាកចេញពីសហភាពអឺរ៉ុប(Brexi) ចាប់តាំងពីទទួលបានអំណាចនៅក្នុងខែកក្កដា ឆ្នាំ ២០២៤ ដោយសង្ឃឹមថានឹងជំរុញសេដ្ឋកិច្ចទន់ខ្សោយរបស់ចក្រភពអង់គ្លេស។ ទីក្រុងឡុងដ្រ៏ និងទីក្រុងព្រុចសែល បានឈានដល់កិច្ចព្រមព្រៀងភាពជាដៃគូយុទ្ធសាស្ត្រកាលពីខែឧសភាឆ្នាំមុន ដែលរួមមានកតិកាសញ្ញាមួយដើម្បីពង្រឹងកិច្ចសហប្រតិបត្តិការការពារជាតិ ព្រមទាំងវិធានការដើម្បីជំរុញពាណិជ្ជកម្ម។