ការស្ទង់មតិមួយដោយកាសែត Asahi ចេញផ្សាយកាលពីថ្ងៃអាទិត្យ ទី១ ខែកុម្ភៈ បានបង្ហាញថា គណបក្សរបស់នាយករដ្ឋមន្ត្រីជប៉ុន លោកស្រី Sanae Takaichi ទំនងជាទទួលបានជ័យជម្នះលើសលប់នៅក្នុងការបោះឆ្នោតសភាជាន់ទាប នៅសប្តាហ៍ក្រោយ។

ការបង្ហាញដ៏រឹងមាំនៅក្នុងការបោះឆ្នោតកាលពីថ្ងៃអាទិត្យ នឹងពង្រឹងការគ្រប់គ្រងរបស់លោកស្រី Takaichi លើគណបក្សរបស់លោកស្រី និងផ្តល់អំណាចដល់លោកស្រីសម្រាប់គោលនយោបាយសារពើពន្ធពង្រីកបន្ថែម ដែលអាចបង្កើនការព្រួយបារម្ភអំពីហិរញ្ញវត្ថុរបស់ប្រទេសជប៉ុន និងជំរុញប័ណ្ណបំណុលកាន់តែខ្ពស់។

យោងតាមការស្ទង់មតិរបស់ការសែត Asahi បានឲ្យដឹងថា គណបក្សប្រជាធិបតេយ្យសេរីរបស់លោកស្រី Takaichi ទំនងជានឹងទទួលបានអាសនៈភាគច្រើនលើសពី២៣៣អាសនៈក្នុងចំណោម៤៦៥អាសនៈដែលត្រូវការនៅក្នុងសភាជាន់ទាប។ នោះនឹងជាការកើនឡើងពី១៩៨ អាសនៈនៅពេលនេះ។

ការស្ទង់មតិបានបង្ហាញថា រួមគ្នាជាមួយដៃគូក្រុមចម្រុះរបស់គណបក្ស LDP គឺគណបក្សនវានុវត្តន៍ជប៉ុន ឬ Ishin សម្ព័ន្ធភាពដែលកំពុងកាន់អំណាចទំនងជានឹងឈានដល់៣០០ អាសនៈ។