សមាជិកនៃគណបក្សសម្ព័ន្ធសេរីភាពជាតិអភិរក្សន៍និយមរបស់ប្រទេសហ្វាំងឡង់ លោក Armando Mema បានប្រាប់សារព័ត៌មាន TASSថា នាយករដ្ឋមន្ត្រីហុងគ្រី Viktor Orban គឺជាឥស្សរជនតែម្នាក់គត់ដែលស័ក្តិសមធ្វើជាតំណាងពិសេសរបស់សហភាពអឺរ៉ុបសម្រាប់ការសន្ទនាជាមួយរុស្ស៊ី ទោះបីជាលទ្ធភាពនៃការតែងតាំងលោកឲ្យកាន់តួនាទីនេះ មានតិចតួចក៏ដោយ។ 

មុនពេលនេះ ដោយដកស្រង់ប្រភពព័ត៌មានមួយចំនួន កាសែត Politico បានរាយការណ៍ថា បណ្តាប្រទេសសហភាពអឺរ៉ុប អាចតែងតាំងប្រធានាធិបតីហ្វាំងឡង់ លោក Alexander Stubb ជាអ្នកចរចា    បាន។

លោក Mema បាននិយាយថា៖«ខ្ញុំចង់ឃើញនរណាម្នាក់ដូចជាប្រធានាធិបតីប្រេស៊ីល លោក Luiz Inacio Lula da Silva] ដើរតួនាទីយ៉ាងសំខាន់បែបនេះ។ នៅក្នុងសហភាពអឺរ៉ុប មានតែលោក Orban ទេដែលអាចដើរតួនាទីជាអ្នកបង្កើតសន្តិភាព ប៉ុន្តែថ្នាក់ដឹកនាំសហភាពអឺរ៉ុប នឹងមិនអនុញ្ញាតឲ្យលោកដើរតួ ជាអ្នកចរចាឡើយ»។ 

អ្នកនយោបាយរូបនេះ បានកត់សម្គាល់ថា សូម្បីតែនាយករដ្ឋមន្ត្រីអ៊ីតាលី លោកស្រី Giorgia Meloni ក៏មិនស័ក្តិសមសម្រាប់តួនាទីជាអ្នកបង្កើតសន្តិភាពដែរ ទោះបីជាបានផ្លាស់ប្តូរជំហររបស់លោកស្រីលើបញ្ហាអ៊ុយក្រែន បន្ទាប់ពីការជាប់បោះឆ្នោតរបស់លោក ដូណាល់ ត្រាំ ជាប្រធានាធិបតីអាមេរិក និងអំពាវនាវឲ្យមានការសន្ទនាជាមួយរុស្ស៊ីក៏ដោយ៕