ប្រធានាធិបតីសហរដ្ឋអាមេរិក លោក Donald Trump បាននិយាយបន្ទាប់ពីអ្វីដែលលោកចាត់ទុកថាជា ការសន្ទនាមានភាព «វិជ្ជមានខ្លាំង» ជាមួយលោកប្រធានាធិបតី Xi Jinping កាលពីថ្ងៃពុធ ទី៤ ខែកុម្ភៈ ទោះបីជាទីក្រុងប៉េកាំងបានព្រមានទីក្រុងវ៉ាស៊ីនតោនអំពីការលក់អាវុធទៅឱ្យកោះតៃវ៉ាន់ក៏ដោយ។

ក្នុងកាយវិការសុច្ឆន្ទៈពីរខែមុនពេលដំណើរទស្សនកិច្ចរបស់លោក Trump ទៅកាន់ទីក្រុងប៉េកាំងដែលត្រូវបានរំពឹងទុក លោក Trump បាននិយាយថា លោក Xi នឹងពិចារណាដំឡើងការទិញសណ្តែកសៀងពីសហរដ្ឋអាមេរិកដល់២០លានតោនក្នុងរដូវកាលបច្ចុប្បន្ន កើនឡើងពី១២លានតោនកាលពីពេលមុន។

ប៉ុន្មានម៉ោងបន្ទាប់ពីជំនួបតាមប្រព័ន្ធអ៊ីនធឺណិតរបស់លោកXi ជាមួយប្រធានាធិបតីរុស្ស៊ី លោក Vladimir Putin លោក Xi និងលោក Trump បានពិភាក្សាគ្នាអំពីកោះតៃវ៉ាន់និងបញ្ហាពាណិជ្ជកម្ម និងបញ្ហាសន្តិសុខជាច្រើនទៀតដែលនៅតែជាប្រភពនៃភាពតានតឹងរវាងប្រទេសដែលមានសេដ្ឋកិច្ចធំបំផុតទាំងពីររបស់ពិភពលោក។

មេដឹកនាំទាំងពីរ បានបញ្ជាក់ជាសាធារណៈអំពីចំណែកផ្ទាល់ខ្លួននៅក្នុងទំនាក់ទំនងដ៏រឹងមាំបន្ទាប់ពីការសន្ទនាតាមទូរស័ព្ទ ដែលជាលើកដំបូងរបស់មេដឹកនាំទាំងពីរចាប់តាំងពីខែវិច្ឆិកា។ លោក Trump បាននិយាយនៅលើ បណ្តាញ Truth Social ថា ការសន្ទនាតាមទូរស័ព្ទមានភាព «វិជ្ជមានខ្លាំង» ដែល ទំនាក់ទំនងរបស់លោកជាមួយលោក Xi «ល្អប្រសើរ» ហើយ «យើងទាំងពីរដឹងថាវាសំខាន់ប៉ុណ្ណាក្នុងការនៅរក្សាតាមរបៀបបែបនេះ»។

គណនីផ្លូវការរបស់រដ្ឋាភិបាលចិនមួយបាននិយាយថា លោក Xi បាននិយាយថា «ខ្ញុំភ្ជាប់សារៈសំខាន់ដ៏ប្រសើរនេះទៅនឹងទំនាក់ទំនងចិន-អាមេរិក»។