លោក Scott Bessent រដ្ឋមន្ត្រីក្រសួងរតនាគារសហរដ្ឋអាមេរិក កាលពីថ្ងៃពុធ ទី៤ ខែកុម្ភៈ បាននិយាយថា លោកមានកំហុស នៅពេលដែលលោក និងក្រុមហ៊ុនវិនិយោគ Key Square របស់លោក បានប្រាប់ដៃគូកាលពីខែមករា ឆ្នាំ២០២៤ មុនពេលប្រធានាធិបតីសហរដ្ឋអាមេរិក លោក Donald Trump ទទួលជ័យជម្នះតំណែងប្រធានាធិបតីថា «ការដំឡើងពន្ធអាចមានទំនោរទៅរកអតិផរណា»។

ដោយមានការសង្ស័យអំពីឯកសារនេះក្នុងអំឡុងពេលសវនាការរបស់គណៈកម្មាធិការសេវាហិរញ្ញវត្ថុសភា លោក Bessent បាននិយាយថា លោកមានចង់កែតម្រូវការកត់ត្រានោះ»។ «ប្រសិនបើខ្ញុំមានកំហុស ខ្ញុំចង់កែតម្រូវវា ហើយខ្ញុំក៏មានកំហុសដែរ នៅពេលដែលខ្ញុំនិយាយថា ការដំឡើងពន្ធអាចមានទំនោរទៅរកអតិផរណា»។

លោក Bessent បាននិយាយថា សេដ្ឋកិច្ចសហរដ្ឋអាមេរិកកំពុងរីកចម្រើន ហើយអតិផរណាកំពុងធ្លាក់ចុះ ទោះបីជាមានការដំឡើងពន្ធជាច្រើនដែលលោក Trump បានដាក់ចាប់តាំងពីចូលកាន់តំណែងកាលពីឆ្នាំមុនក៏ដោយ។ លោកបានប្រាប់សមាជិកសភាថា «ដូច្នេះ អតិផរណាកើតចេញពីការដំឡើងពន្ធ គឺមិនមែនជារឿងធំដុំនោះទេ»។

ទិន្នន័យរបស់សហរដ្ឋអាមេរិកកាលពីខែមុនបានបង្ហាញពីការកើនឡើងច្រើនជាងការរំពឹងទុកនៅក្នុងសន្ទស្សន៍តម្លៃអ្នកផលិតក្នុងខែធ្នូ ដែលបង្ហាញថា អតិផរណាអាចកើនឡើងនៅខែខាងមុខ។