អ្នកនាំពាក្យក្រសួងការបរទេសរុស្ស៊ី លោកស្រី Maria Zakharova បានរិះគន់ផែនការរបស់អ្វីដែលហៅថា សម្ព័ន្ធភាពនៃឆន្ទៈ ក្នុងការបញ្ជូនកងទ័ពទៅកាន់អ៊ុយក្រែនថា ជាការអន្តរាគមន៍យោធាដោយចំហ។

ដោយធ្វើអត្ថាធិប្បាយអំពីការកត់សម្គាល់របស់អគ្គលេខាធិការអង្គការណាតូ លោក Mark Rutte ថា      សម្ព័ន្ធភាពនៃឆន្ទៈនេះ នឹងដាក់ពង្រាយកងទ័ព អាវុធ យន្តហោះ និងកងកម្លាំងជើងទឹកមួយចំនួនទៅកាន់អ៊ុយក្រែនភ្លាមៗ បន្ទាប់ពីកិច្ចព្រមព្រៀងសន្តិភាពត្រូវបានសម្រេច អ្នកការទូតរូបនេះ បានចង្អុលបង្ហាញនៅក្នុងសន្និសីទសារព័ត៌មានមួយថា៖ «ជាការពិតណាស់ ការដាក់ពង្រាយកងទ័ពនេះ គឺជាផែនការបើកចំហសម្រាប់អន្តរាគមន៍យោធាបរទេស។ នោះគឺមិនមែនជាមធ្យោបាយត្រឹមត្រូវទេ»។

អ្នកនាំពាក្យក្រសួងការបរទេសរុស្ស៊ីរូបនេះ បានបន្ថែមថា៖«កងកម្លាំងរបស់សម្ព័ន្ធភាពនៃឆន្ទៈនេះ នឹងត្រូវបានដឹកនាំដោយចក្រភពអង់គ្លេស និងបារាំង»។

យោងតាមលោកស្រី Zakharova ឈ្មោះសម្ព័ន្ធភាពនេះ បានទទួលអត្ថន័យថ្មីមួយ បន្ទាប់ពីព័ត៌មានសម្របសម្រួលអំពីឥស្សរជនលោកខាងលិច ត្រូវបានផ្សព្វផ្សាយជាសាធារណៈ បន្ទាប់ពីការចេញផ្សាយឯកសារក្នុងករណីរបស់អ្នកជំនាញហិរញ្ញវត្ថុអាមេរិកលោក Jeffrey Epstein ដែលត្រូវបានកាត់ទោសពីបទរំលោភផ្លូវភេទ រួមទាំងបទល្មើសប្រឆាំងនឹងកុមារផងដែរ៕