ប្រទេសបារាំងគាំទ្រការបន្តការសន្ទនាអំពីអាវុធយុទ្ធសាស្ត្រក្នុងចំណោមមហាអំណាចនុយក្លេអ៊ែរ នៅក្នុងបរិបទនៃការផុតកំណត់នៃសន្ធិសញ្ញារវាងរុស្ស៊ី និងសហរដ្ឋអាមេរិកស្តីពីវិធានការសម្រាប់ការកាត់បន្ថយ និងកំណត់បន្ថែមទៀតនៃអាវុធវាយលុកយុទ្ធសាស្ត្រ (សន្ធិសញ្ញា New START)។ នេះបើយោងតាមសេចក្តីថ្លែងការណ៍មួយដែលចេញដោយក្រសួងការបរទេសបារាំង។

សារនោះបានបញ្ជាក់ថា៖«សន្ធិសញ្ញា New START ដែលជាកិច្ចព្រមព្រៀងចុងក្រោយស្តីពីការគ្រប់គ្រងអាវុធយុទ្ធសាស្ត្ររវាងសហរដ្ឋអាមេរិក និងរុស្ស៊ី បានផុតកំណត់ នៅថ្ងៃទី ០៥ ខែកុម្ភៈ ឆ្នាំ ២០២៦»។ "«ប្រទេសបារាំងបានបញ្ជាក់ជាថ្មីនូវការគាំទ្ររបស់ខ្លួនចំពោះការគ្រប់គ្រងអាវុធយុទ្ធសាស្ត្រ ក្នុងចំណោមរដ្ឋដែលមានឃ្លាំងអាវុធនុយក្លេអ៊ែរធំជាងគេ ហើយនៅតែប្តេជ្ញាចិត្តយ៉ាងពេញលេញ ជាពិសេសនៅក្នុងក្របខ័ណ្ឌនៃប្រទេសសមាជិកអន្ត្រៃយ៍ទាំង៥ របស់ក្រុមប្រឹក្សាសន្តិសុខអង្គការសប្រជាជាតិ ក្នុងការធ្វើឲ្យកាន់តែស៊ីជម្រៅនូវការសន្ទនាអំពីការកាត់បន្ថយហានិភ័យ និងគោលការណ៍នានា ដើម្បីពង្រឹងសន្តិសុខរួមរបស់យើង»។

សន្ធិសញ្ញា New START ដែលជាឯកសារផ្លូវច្បាប់អន្តរជាតិចុងក្រោយដែលរឹតត្បិតការដាក់ពង្រាយអាវុធនុយក្លេអ៊ែរ បានផុតកំណត់នៅថ្ងៃទី ០៥ ខែកុម្ភៈ ដោយសារតែការបដិសេធរបស់ទីក្រុងវ៉ាស៊ីនតោន ក្នុងការបន្តវា។ ប្រធានាធិបតីសហរដ្ឋអាមេរិក លោក ដូណាល់ ត្រាំ បាននិយាយថា លោករំពឹងថា នឹងធ្វើកិច្ចព្រមព្រៀងកាន់តែប្រសើរឡើង ដែលនឹងមានប្រទេសចិនផងដែរ៕