ការិយាល័យបោះឆ្នោតបានបើកហើយនៅប្រទេសថៃនាថ្ងៃអាទិត្យនេះ នៅការបោះឆ្នោតសកលដែលចាត់ទុកថាជាការប្រកួតប្រជែង ៣បក្ស រវាងក្រុមអភិរក្សនិយម ក្រុមប្រជាធិបតេយ្យជឿនលឿន និងក្រុមប្រជានិយម ក្នុងនោះគ្មានគណបក្សណាមួយ ត្រូវបានគេរំពឹងថា នឹងទទួលបានសំឡេងភាគច្រើនច្បាស់លាស់នោះទេ ជាហេតុនាំឲ្យបន្តកើតមានអស្ថិរភាពនយោបាយនៅក្នុងប្រទេសមួយនេះ ។ 

 លោកនាយករដ្ឋមន្រ្តី Anutin Charnvirakul បានរៀបចំឲ្យមានការបោះឆ្នោតមុនកំណត់កាលពីពាក់កណ្តាលខែធ្នូ ស្របពេលកើតមានជម្លោះព្រំដែនរវាងថៃ និងកម្ពុជា ជាអ្វីដែលអ្នកវិភាគនិយាយថា គឺជាចំណាត់ការមួយជ្រើសរើសដោយមេដឹកនាំអភិរក្សនិយមរូបនេះ ដើម្បីទាញយកប្រយោជន៍ពីការកើនឡើងនៃជាតិនិយម ។

 ត្រង់ចំណុចនេះ លោកបានកាន់អំណាចយ៉ាងហោចរយៈពេលជាង ១០០ថ្ងៃ ដោយគ្រប់គ្រងគណបក្សប្រជានិយមភឿថៃរបស់អតីតនាយករដ្ឋមន្រ្តីទម្លាក់ចេញពីអំណាចលោកស្រី Paetongtarn Shinawatra ។

 យោងតាមការស្ទង់មតិ បានឲ្យដឹងថា ប្រជាប្រិយភាពរបស់គណបក្សភឿថៃ ដែលគាំទ្រដោយមហាសេដ្ឋី និងជាអតីតនាយករដ្ឋមន្រ្តីថៃលោក Thaksin Shinawatra ដែលរូបលោកផ្ទាល់ បានជាប់ពន្ធនាគារ រយៈពេលប៉ុន្មានថ្ងៃប៉ុណ្ណោះ ក្រោយការដកតំណែងកូនស្រីរបស់លោកនោះ បានធ្លាក់ចុះ តែមិនថាគ្មានសង្ឃឹមសោះនោះទេ ។

 ប៉ុន្តែគណបក្សប្រជាជន ដោយមានគោលនយោបាយផ្លាស់ប្តូររចនាសម្ព័ន្ធ និងកំណែទម្រង់សេដ្ឋកិច្ចធំបំផុតលំដាប់ទី ២របស់ប្រទេសថៃ បាននាំមុខរហូតការស្ទង់មតិ អំឡុងយុទ្ធនាការឃោសនាស្វែងរកសន្លឹកឆ្នោត ។

 អ្នកបោះឆ្នោតថៃ នឹងត្រូវសួរផងដែរ អំឡុងការបោះឆ្នោត ដើម្បីសម្រេចចិត្តថាតើ ធម្មនុញ្ញថ្មីគួរជំនួសធម្មនុញ្ញចាស់ឆ្នាំ ២០១៧ដែរឬទេ គឺជាធម្មនុញ្ញមួយគាំទ្រដោយយោធា ដែលក្រុមអ្នករិះគន់និយាយថា អំណាចក្តោបក្តាប់នៅក្នុងស្ថាប័នមិនប្រជាធិបតេយ្យ រួមទាំងព្រឹទ្ធសភាដ៏មានអំណាចដែលត្រូវបានជ្រើសរើសតាមរយៈដំណើរការជ្រើសរើសប្រយោល ដោយការចូលរួមរបស់សាធារណជនមានកំណត់ ៕