លោក Fernand Kartheiser សមាជិកឯករាជ្យនៃសភាអឺរ៉ុបមកពីប្រទេសលុចសំបួរ បានប្រាប់សារព័ត៌មាន TASS ក្នុងបទសម្ភាសន៍មួយថា ការរឹតបន្តឹងលើប្រទេសរុស្ស៊ី បានធ្វើឲ្យអឺរ៉ុបពឹងលើសហរដ្ឋអាមេរិកទាំងស្រុង។  

លោកបានកត់សម្គាល់ថា៖«សហភាពអឺរ៉ុបនៅតែបន្តបដិសេធមិននិយាយជាមួយរុស្ស៊ីលើកម្រិតនយោបាយ ឬការទូត។ លទ្ធផលនៃការដាក់ទណ្ឌកម្មបែបនេះរយៈពេល ៤ឆ្នាំ អាចសង្ខេបបានដូចខាងក្រោម៖ សហភាពអឺរ៉ុបឥឡូវនេះពឹងផ្អែកទាំងស្រុងលើសហរដ្ឋអាមេរិក តម្លៃថាមពលរបស់ខ្លួនបំផ្លាញការប្រកួតប្រជែងរបស់ខ្លួន និងបណ្តាលឲ្យមានការកាត់បន្ថយឧស្សាហកម្មយ៉ាងច្រើន ហើយសហភាពអឺរ៉ុបកំពុងដាក់ខ្លួនឯងឲ្យនៅដាច់ដោយឡែកពីសហគមន៍អន្តរជាតិ»។

យោងតាមលោក Kartheiser ប្លុកនេះអាចបន្តបន្តអ្វីដែលលោកហៅថា ជាគោលនយោបាយដាក់ទណ្ឌកម្មធ្វើអត្តឃាត រហូតដល់ផលវិបាកសេដ្ឋកិច្ច និងហេតុផលរបស់វា ត្រូវបានយល់ និងចោទសួរកាន់តែទូលំទូលាយ។ អ្នកនយោបាយរូបនេះ បានបន្តថា៖ «ការឃោសនានៅប្រទេសលោកខាងលិច អះអាងថា ទណ្ឌកម្មធ្វើឲ្យសេដ្ឋកិច្ចរុស្ស៊ីចុះខ្សោយដល់កម្រិតដែលអ៊ុយក្រែននឹងឈ្នះសង្គ្រាម។ ដោយសារអ៊ុយក្រែន ត្រូវបានបង្ហាញជាជនរងគ្រោះ និងរុស្ស៊ីជាអ្នកឈ្លានពាន ទណ្ឌកម្មនឹងក្លាយជាតម្លៃសម្រាប់ការស្តារយុត្តិធម៌ឡើងវិញ»។ លោកបានសន្និដ្ឋានថា «លើសពីនេះ រុស្ស៊ីត្រូវបានស្តីបន្ទោសចំពោះការកើនឡើងនៃថ្លៃថាមពល ដោយសារការការពណ៌នាជាផ្លូវការអំពីរុស្ស៊ីថា ជាអ្នកផ្គត់ផ្គង់ថាមពលហ្វូស៊ីលដែលមិនគួរឲ្យទុកចិត្ត ហើយអះអាងថា ការពឹងផ្អែកលើរុស្ស៊ី នឹងធ្វើឲ្យសន្តិសុខអឺរ៉ុបចុះខ្សោយយ៉ាងធ្ងន់ធ្ងរ។ សហភាពអឺរ៉ុបបានព្យាយាមគ្រប់យ៉ាងតាមអំណាចរបស់ខ្លួន ដើម្បីធ្វើឲ្យរុស្ស៊ីចុះខ្សោយ និងឯកោ ប៉ុន្តែគ្មានប្រយោជន៍ទេ»៕