ការិយាល័យនាយករដ្ឋមន្រ្តីអ៊ីស្រាអែលនិយាយថា លោក Benjamin Netanyahu ត្រូវបានរំពឹងថា នឹងជួបជាមួយប្រធានាធិបតីសហរដ្ឋអាមេរិកលោក Donald Trump នៅថ្ងៃពុធខាងមុខនេះ ក្នុងទីក្រុងវ៉ាស៊ីនតោន ជាទីដែលពួកគេនឹងពិភាក្សាលើកិច្ចចរចាជាមួយអ៊ីរ៉ង់ ។

ក្រុមមន្រ្តីអ៊ីរ៉ង់ និងក្រុមមន្រ្តីសហរដ្ឋអាមេរិក មាននូវជំនួបនុយក្លេអ៊ែរដោយប្រយោលនៅរដ្ឋធានី Muscat របស់ប្រទេសអូម៉ង់កាលពីថ្ងៃសុក្រសប្តាហ៍មុន ។ ភាគីទាំង ២ និយាយថា កិច្ចប្រជុំបន្ថែមទៀត នឹងរៀបចំម្តងទៀតក្នុងពេលដ៏ខ្លីខាងមុខនេះ ។

មន្រ្តីការទូតក្នុងតំបន់មួយរូបដែលត្រូវបានរៀបរាប់ប្រាប់ដោយទីក្រុងតេអេរ៉ងពាក់ព័ន្ធនឹងកិច្ចប្រជុំនេះ និយាយប្រាប់ទីភ្នាក់ងារព័ត៌មានរ៉យទ័រថា អ៊ីរ៉ងទទួចពីសិទ្ធិរបស់ខ្លួនក្នុងការចម្រាញ់សារធាតុអ៊ុយរ៉ានីញ៉ូម អំឡុងកិច្ចចរចាជាមួយសហរដ្ឋអាមេរិក ហើយបញ្ហាមីស៊ីលអ៊ីរ៉ង់ ពុំត្រូវបានលើកយកមកពិភាក្សានោះទេ ។

ក្រុមមន្រ្តីអ៊ីរ៉ង់ បានច្រានចោលការជជែកគ្នាពីមីស៊ីលរបស់ខ្លួន ដែលស្ថិតនៅក្នុងចំណោមកាំភ្លើងធំដ៏សំខាន់បំផុតនៅតំបន់មជ្ឈិមបូព៌ា ហើយពួកគេនិយាយថា ទីក្រុងតេអេរ៉ង់ ចង់បានការទទួលស្គាល់សិទ្ធិរបស់ខ្លួន ក្នុងការចម្រាញ់សារធាតុអ៊ុយរ៉ានីញ៉ូម ។

សូមបញ្ជាក់ ទីក្រុងវ៉ាស៊ីនតោន បានគំរាមធ្វើអន្តរាគមន៍ជាលើកដំបូង ពាក់ព័ន្ធនឹងការបង្ក្រាបដ៏សាហាវរបស់ទីក្រុងតេអេរ៉ង់លើក្រុមបាតុករប្រឆាំងរដ្ឋាភិបាល ក្នុងនោះពីថ្ងៃអាទិត្យ អាជ្ញាធរកាលអ៊ីរ៉ង់ បានចាប់ខ្លួនអ្នកកែទម្រង់ដ៏លេចធ្លោ ៣រូប ដែលរងការចោទប្រកាន់ប្រឆាំងនឹងរដ្ឋាភិបាល ៕