ក្រុមអ្នកកាន់ទុក្ខ បានរៀបចំពិធីបុណ្យសពនៅខេត្តភាគខាងជើង Katsinaរបស់នីហ្សេរីយ៉ា នៅដើមខែនេះ ក្រោយពេលក្រុមចោរប្រដាប់អាវុធ វាយប្រហារទីក្រុង Doma ដោយបានសម្លាប់មនុស្សយ៉ាងហោច ២១នាក់ ។

ក្រុមខ្មាន់កាំភ្លើងគឺជាក្រុមចោរក្នុងស្រុក ហើយទីក្រុងមួយនេះ បានឈានដល់បទឈប់បាញ់បណ្តោះអាសន្នដែលពួកគេសង្ឃឹមថា នឹងនាំមកនូវភាពស្ងប់ស្ងាត់ ។

អ្នកស្រី Ramatu Muhammed និយាយថា គាត់ឃើញក្រុមចោរសម្លាប់កូនប្រុសរបស់គាត់ ។ អ្នកស្រីបន្តថា ពួកយើងអង្វរសុំអាជ្ញាធរឲ្យមកជួយពួកយើងផង ។ ពួកយើងហត់នឿយខ្លាំងនឹងក្រុមចោរទាំងនេះ ។ ពួកគេបានបំភិតបំភ័យសហគមន៍របស់ពួកយើង ។ ពួកគេមិនឲ្យពួកយើងចូលក្នុងដីកសិដ្ឋានរបស់ពួកយើង ពួកយើងគ្មានអ្វីនោះទេ ពួកយើងមិនបានប៉ះពាល់ពួកគេនោះទេ ពួកយើងពុំបានធ្វើអ្វីលើពួកគេនោះទេ ប៉ុន្តែពួកគេច្រានចោលសនិ្តភាពរបស់ពួកយើង ។

វាគឺជារឿងរ៉ាវមួយដែលអ្នកស្រុកខ្លាចក្រែងថា វាអាចនឹងកើតមានម្តងហើយម្តងទៀតនៅទូទាំងតំបន់ ។ ប្រភពនិយាយប្រាប់ក្រុមមន្រ្តីទីភ្នាក់ងារព័ត៌មានរ៉យទ័រថា ស្រុងចំនួន ១៥ នៅទូទាំងខេត្ត Katsina បានបង្កើតកិច្ចព្រមព្រៀងស្រដៀងគ្នាជាមួយក្រុមប្រដាប់អាវុធ អស់សង្ឃឹមនឹងកិច្ចខិតខំមិនជោគជ័យរបស់រដ្ឋាភិបាល ដើម្បីនាំយកច្បាប់ និងសណ្ឋាប់ធ្លាប់មកកាន់តំបន់រស់នៅរបស់ពួគកេ ។

យោធា នគរបាលរដ្ឋ Katsina និងអ្នកនាំពាក្យប្រធានាធិបតីនីហ្សេរីយ៉ា ពុំបានឆ្លើយតបភ្លាមៗនោះទេ ចំពោះសំណើសុំសេចក្តីអត្ថាធិប្បាយលើសេចក្តីរាយការណ៍ពីកិច្ចព្រមព្រៀងក្នុងស្រុក ។

កាលពីខែមុន រដ្ឋមន្រ្តីក្រសួងការពារនីហ្សេរីយ៉ាលោក Christopher Musa បានព្រមានក្រុមអាជ្ញាធរក្នុងស្រុកនៅបណ្តាខេត្តភាគខាងជើង ឲ្យប្រឆាំងការទទួលយកកិច្ចព្រមព្រៀងបែបនេះ ដោយរូបលោកនិយាយថា ពួកគេនឹងធ្វើឲ្យអន្តរាយដល់កិច្ចខិតខំថ្នាក់ជាតិ ដើម្បីស្តាសន្តិសុខ និងគោលនយោបាយមិនចរចាជាមួយក្រុមចោរ ៕