នៅថ្ងៃសុក្រនេះ ចិនបានជំរុញជប៉ុនឲ្យគោរពកិច្ចព្រមព្រៀងនេសាទទ្វេភាគីរបស់ពួកគេ ក្រោយទីក្រុងតូក្យូ បានរឹបអូសទូកនេសាទចិនមួយគ្រឿង និងបានចាប់កាពីទែនរបស់ពួកគេ សម្រាប់ការគេចវេះចោទប្រកាន់ពីការត្រួតពិនិត្យនៅក្នុងតំបន់សេដ្ឋកិច្ចពិសេសរបស់ពួកគេ ។

ថ្លែងនៅក្នុងសន្និសីទសារព័ត៌មានប្រចាំថ្ងៃ អ្នកនាំពាក្យក្រសួងការបរទេសចិនលោក Lin Jian និយាយថា ទីក្រុងប៉េកាំង តម្រូវឲ្យក្រុមនេសាទរបស់ខ្លួន ប្រតិបត្តិការដោយស្របច្បាប់ និងអំពាវនាវឲ្យជប៉ុនធានាសុវត្ថិភាព និងសិទ្ធិរបស់នាវិកចិន ។

ទីភ្នាក់ងារនេសាទជប៉ុន និយាយថា កាពីទែនចិនវ័យ ៤៧ឆ្នាំម្នាក់ ត្រូវបានចោទប្រកាន់ថា ពុំបានអើពើនឹងការបញ្ជាឲ្យឈប់សម្រាប់ត្រួតពិនិត្យនៅលើទូក កាលពីថ្ងៃព្រហស្បត៍ ក្នុងដែនទឹកជិតតំបន់ឆ្នេររបស់ខេត្តភាគនិរទេស Nagasaki ។

ស្របពេលដែលជប៉ុនធ្លាប់រឹបអូសទូកនេសាទរបស់កូរ៉េខាងត្បូង និងកោះតៃវ៉ាន់ ក្នុងរយៈពេលប៉ុន្មានឆ្នាំកន្លងទៅ ឧបទ្ទេវហេតុមួយនេះ គឺជាឧបទ្ទេវហេតុលើកដំបូងពាក់ព័ន្ធនឹងទូករបស់ចិន ចាប់តំាងពីឆ្នាំ ២០២២ ហើយវាបានកើតមានឡើង បន្ទាប់ពីជម្លោះការទូតដ៏សំខាន់រវាងប្រទេសទាំង ២ ៕