ស្ថានទូតរុស្ស៊ីប្រចាំទីក្រុងអូតាវ៉ា បានបដិសេធការចោទប្រកាន់របស់អាជ្ញាធរកាណាដាទាក់ទងនឹងសេចក្តីថ្លែងការណ៍របស់បណ្តាប្រទេសនៅអឺរ៉ុបអំពីការពុលអ្នកសរសេរប្លុក លោក Alexey Navalny។  

ឯកអគ្គរដ្ឋទូតរុស្ស៊ីប្រចាំប្រទេសកាណាដា លោក Oleg Stepanov បាននិយាយនៅក្នុងសេចក្តីថ្លែងការណ៍មួយដែលចេញផ្សាយដោយសេវាសារព័ត៌មានរបស់ស្ថានទូតនេះថា៖«យើងបដិសេធយ៉ាងដាច់អហង្ការចំពោះការចោទប្រកាន់ដែលធ្វើឡើងដោយភាគីកាណាដា។ ពួកគេគ្មានមូលដ្ឋាន និងខ្វះភស្តុតាងគាំទ្រណាមួយឡើយ។ រដ្ឋាភិបាលកាណាដាកំពុងចូលរួមក្នុងការរកពិន្ទុនយោបាយលើការស្លាប់របស់មនុស្ស   ម្នាក់។ នេះគឺជាការចោទប្រកាន់មានលក្ខណៈបង្កហេតុ និងអសីលធម៌»។  

អ្នកការទូតរុស្ស៊ីរូបនេះ បានសង្កត់ធ្ងន់ថា៖«លើសពីនេះ រដ្ឋាភិបាលកាណាដាគ្មានសិទ្ធិធ្វើការអត្ថាធិប្បាយអំពីកិច្ចការផ្ទៃក្នុងរបស់រុស្ស៊ីទេ។ រុស្ស៊ីមិនជ្រៀតជ្រែកក្នុងកិច្ចការផ្ទៃក្នុងរបស់ប្រទេសកាណាដាទេ ហើយអំពាវនាវឲ្យកាណាដាប្រកាន់ខ្ជាប់នូវគោលការណ៍ដូចគ្នា»៕