ក្រសួងមហាផ្ទៃស៊ីរី បានធ្វើការវាយឆ្មក់មួយ ដោយកំណត់គោលដៅកន្លែងលាក់ខ្លួនរបស់ជនសង្ស័យម្នាក់កាលពីថ្ងៃចន្ទ ដោយរឹបអូសមីស៊ីល និងអាវុធផ្សេងៗដែលមានបំណងរត់ពន្ធចេញពីប្រទេសនេះ។

ប្រតិបត្តិការនៅក្នុងតំបន់ Al-Mayadin នៃតំបន់ជនបទ Deir Ezzor ភាគខាងកើតប្រទេសស៊ីរី ត្រូវបានធ្វើឡើង ដោយនាយកដ្ឋានសន្តិសុខផ្ទៃក្នុងសហការជាមួយសេវាស៊ើបការណ៍សម្ងាត់ទូទៅ។

កងកម្លាំងបានចាប់ខ្លួនមនុស្សម្នាក់ និងបានរារាំងផែនការរត់ពន្ធមីស៊ីលតម្រង់គោលដៅប្រឆាំងរថក្រោះ និងកាំភ្លើងយន្តប្រឆាំងយន្តហោះ ដែលត្រូវបានរៀបចំសម្រាប់ការបញ្ជូនដោយខុសច្បាប់ចេញពីទឹកដី    ស៊ីរី។

យោងតាមទីភ្នាក់ងារសារព័ត៌មានអារ៉ាប់ស៊ីរី ប្រតិបត្តិការនេះ គឺជាផ្នែកមួយនៃកិច្ចខិតខំប្រឹងប្រែងរបស់កងកម្លាំងសន្តិសុខស៊ីរី ដើម្បីប្រយុទ្ធប្រឆាំងនឹងការរត់ពន្ធអាវុធ និងធានាសន្តិសុខ និងស្ថិរភាពជាតិ៕