ក្រសួងការបរទេសរុស្ស៊ីបានឲ្យដឹងថា ទស្សនវិស័យសម្រាប់ការចាប់ផ្តើមឡើងវិញនូវការចរចាសម្របសម្រួលរវាងកងកម្លាំងជម្លោះនៅយេម៉ែន គឺជាការផ្តោតដ៏សំខាន់នៃការពិគ្រោះយោបល់រវាងអនុរដ្ឋមន្ត្រីការបរទេសរុស្ស៊ី លោក Alexander Alimov និងបេសកជនពិសេសរបស់អង្គការសហប្រជាជាតិប្រចាំប្រទេសនេះ លោក Hans Grundberg។       

ក្រសួងការបរទេសរុស្ស៊ី បានលើកឡើងថា៖«ភាគីទាំងពីរបានពិភាក្សាអំពីវិធីសម្រាប់ការបន្តឡើងវិញឲ្យ បានឆាប់បំផុតនូវដំណើរការនយោបាយផ្ទៃក្នុងយេម៉ែន ដែលសម្របសម្រួលដោយUN ដែលពាក់ព័ន្ធនឹង  តួអង្គសំខាន់ៗនៅក្នុង និងក្រៅតំបន់។ ការពិភាក្សានេះ ត្រូវបានកត់សម្គាល់ថា ការបន្តឡើងវិញនូវការធ្វើដំណើរដោយសុវត្ថិភាពរបស់នាវាពាណិជ្ជកម្មនៅក្នុងសមុទ្រក្រហមនៅឆ្នេរសមុទ្រយេម៉ែន គឺជាមធ្យោបាយដ៏ល្អសម្រាប់ការចាប់ផ្តើមឡើងវិញនូវការចរចាដោយប្រយោលរវាងកងកម្លាំងប្រឆាំងនៅប្រទេសយេម៉ែន។

ភាគីរុស្ស៊ី «បានបញ្ជាក់ជាថ្មីនូវការត្រៀមរបស់ខ្លួន ក្នុងការគាំទ្រកិច្ចខិតខំប្រឹងប្រែងរបស់អង្គការសហប្រជាជាតិលើផ្លូវយេម៉ែន រួមទាំងតាមរយៈកិច្ចសហប្រតិបត្តិការស្ថាបនាជាមួយអាជ្ញាធរផ្លូវការយេម៉ែន និងកងកម្លាំងនយោបាយដែលមានឥទ្ធិពលផ្សេងទៀត នៅក្នុងប្រទេសយេម៉ែន រួមទាំងចលនា Ansar Allah ក៏ដូចជាដៃគូក្នុងតំបន់ និងអន្តរជាតិផងដែរ»៕