អ្នកនាំពាក្យបាននិយាយនៅថ្ងៃអង្គារនេះថា កងទ័ពជើងទឹក និងកងទ័ពអាកាស ក្រោមទីបញ្ជាការភាគខាងត្បូងនៃកងទ័ពរំដោះប្រជាជនចិន បានធ្វើការល្បាតត្រៀមប្រយុទ្ធនៅសមុទ្រចិនខាងត្បូង ចាប់តាំងពីថ្ងៃអាទិត្យ ដល់ថ្ងៃចន្ទ។

លោក Zhai Shichen អ្នកនាំពាក្យទីបញ្ជាការភាគខាងត្បូងបានបញ្ជាក់ថា ប្រទេសហ្វីលីពីនបានឃុបឃិតជាមួយប្រទេសមួយនៅខាងក្រៅតំបន់ដើម្បីរៀបចំអ្វីដែលគេហៅថា «ការល្បាតរួមគ្នា» ដែលបានរំខានដល់ស្ថានភាពនៅសមុទ្រចិនខាងត្បូង និងធ្វើឱ្យអន្តរាយដល់សន្តិភាព និងស្ថិរភាពក្នុងតំបន់។

លោក Zhai បាននិយាយថា កងកម្លាំងនៃទីបញ្ជាការនឹងការពារដែនអធិបតេយ្យភាពទឹកដីរបស់ប្រទេស សិទ្ធិ និងផលប្រយោជន៍ដែនសមុទ្រយ៉ាងម៉ឺងម៉ាត់ និងរក្សាសន្តិភាព និងស្ថិរភាពនៅក្នុងតំបន់យ៉ាងរឹងមាំ។