ប្រធានាធិបតីអាមេរិក លោក ដូណាល់ ត្រាំ ( Donald Trump) បានបន្តក្រឹត្យរយៈពេលមួយឆ្នាំទៀត ដែលអនុញ្ញាតឲ្យមានការឃាត់ និងការត្រួតពិនិត្យនាវាអាមេរិក និងបរទេសដែលធ្វើដំណើរទៅកាន់ប្រទេសគុយបា។ នេះបើយោងតាមសារព័ត៌មាន Federal Register។

សារព័ត៌មាននេះ បានឲ្យដឹងថា៖«រដ្ឋាភិបាលគុយបាមិនបានបង្ហាញថា ខ្លួននឹងជៀសវាងការប្រើប្រាស់កម្លាំងហួសហេតុប្រឆាំងនឹងនាវា ឬយន្តហោះរបស់សហរដ្ឋអាមេរិក ដែលអាចចូលរួមក្នុងសកម្មភាពរំលឹកវិញ្ញាណក្ខន្ធ ឬការតវ៉ាដោយសន្តិវិធីនៅភាគខាងជើងប្រទេសគុយបានោះទេ។ លើសពីនេះ ការចូលដោយគ្មានការអនុញ្ញាតរបស់នាវាណាមួយដែលចុះបញ្ជីដោយសហរដ្ឋអាមេរិកចូលទៅក្នុងដែនទឹកគុយបា នៅតែបង្កគ្រោះថ្នាក់ដល់គោលនយោបាយការបរទេសរបស់សហរដ្ឋអាមេរិក ពីព្រោះការចូលបែបនេះ អាចសម្រួលដល់ជនអន្តោប្រវេសន៍យ៉ាងច្រើនពីប្រទេសគុយបា»។

នេះនៅតែជាគោលនយោបាយរបស់សហរដ្ឋអាមេរិក ដែលជនអន្តោប្រវេសន៍យ៉ាងច្រើនពីប្រទេសគុយ    បា នឹងធ្វើឲ្យប៉ះពាល់ដល់សន្តិសុខជាតិរបស់សហរដ្ឋអាមេរិក ដោយបង្កការរំខាន ឬគំរាមកំហែងដល់ទំនាក់ទំនងអន្តរជាតិរបស់សហរដ្ឋអាមេរិក»។

លោក ត្រាំ បាននិយាយថា លោកកំពុងពង្រីក «ភាពអាសន្នជាតិទាក់ទងនឹងប្រទេសគុយបា និងអាជ្ញា ធរសង្គ្រោះបន្ទាន់» ដែលនឹងអនុញ្ញាតឲ្យមានការឃុំខ្លួននាវាដែលចូលមកសាធារណរដ្ឋនេះ។

ក្រឹត្យនេះ ត្រូវបានចុះហត្ថលេខាដំបូងនៅឆ្នាំ ១៩៩៦ ដោយអតីតប្រធានាធិបតី លោក ប៊ីល គ្លីនតុន (Bill Clinton) បន្ទាប់ពីប្រទេសគុយបាបានបាញ់ទម្លាក់យន្តហោះពីរគ្រឿងរបស់អង្គការជនអន្តោប្រវេសន៍ Brothers to the Rescue ដែលមានមូលដ្ឋាននៅទីក្រុងម៉ៃអាមី។

នៅឆ្នាំ ២០០៤ ក្រឹត្យនេះ បានហាមឃាត់ការគាំទ្រផ្នែកហិរញ្ញវត្ថុ និងសម្ភារៈដល់ប្រទេសគុយបា។ ការហាមឃាត់នេះ ត្រូវបានបន្ត នៅឆ្នាំ ២០១៦ និង ២០១៨។ ក្រឹត្យនេះដែរ ត្រូវបានបន្តច្រើនដងហើយ៕