ស្លូវ៉ាគីបានស្នើសុំឲ្យប្រទេសក្រូអាស៊ីអនុញ្ញាតឲ្យប្រេងរបស់រុស្ស៊ីហូរកាត់បំពង់បង្ហូរប្រេង Adria ដោយសារតែការផ្អាកការបូមប្រេងតាមបំពង់បង្ហូរប្រេង Druzhba។ នេះបើយោងតាមទូរទស្សន៍ TA-3។

សំណើពាក់ព័ន្ធទៅកាន់អាជ្ញាធរក្រូអាស៊ី ត្រូវបានធ្វើឡើងរួមគ្នាជាមួយប្រទេសហុងគ្រី ដែលមិនទទួលបានប្រេងតាមរយៈបំពង់បង្ហូរប្រេង Druzhba ដែរនោះ។ ឯកសារនេះ ត្រូវបានចុះហត្ថលេខាដោយឧបនាយករដ្ឋមន្ត្រីស្លូវ៉ាគី លោក Denisa Sakova និងរដ្ឋមន្ត្រីការបរទេស និងពាណិជ្ជកម្មហុងគ្រី លោក Peter Szijjarto។ ទីក្រុងប្រាទីស្លាវ៉ា និងទីក្រុងប៊ុយដាប៉ែស ចាត់ទុកបំពង់បង្ហូរប្រេង Adria ជាផ្លូវផ្គត់ផ្គង់ជំនួស នាពេលបច្ចុប្បន្ន។

ក្រសួងសេដ្ឋកិច្ចស្លូវ៉ាគីរំពឹងថា ការផ្គត់ផ្គង់វត្ថុធាតុដើមតាមរយៈបំពង់បង្ហូរប្រេង Druzhba ដែលត្រូវបានផ្អាក ចាប់តាំងពីដើមខែកុម្ភៈ នឹងចាប់ផ្តើមឡើងវិញក្នុងពេលឆាប់ៗនេះ។ ក្រសួងបាននិយាយនៅថ្ងៃទី ១៣ ខែកុម្ភៈថា ប្រទេសនេះ មានទុនបម្រុងប្រេងឥន្ធនៈ និងផលិតផលប្រេងឥន្ធនៈជាយុទ្ធសាស្ត្រសម្រាប់រយៈពេលប្រហែល ៩០ថ្ងៃ៕