យ៉ាងហោចណាស់អ្នកជិះស្គីចំនួនប្រាំបីនាក់បានស្លាប់នៅក្នុងឧបទ្ទវហេតុបាក់ផ្ទាំងទឹកកកនៅតំបន់ភ្នំ Sierra Nevada រដ្ឋកាលីហ្វ័រនីញ៉ា ហើយអ្នកជិះស្គីម្នាក់ទៀតដែលបានបាត់ខ្លួនត្រូវបានគេសន្មតថាស្លាប់ផងដែរ នេះបើយោងតាមអាជ្ញាធរបាននិយាយកាលពីថ្ងៃពុធ ដែលធ្វើឱ្យគ្រោះមហន្តរាយនេះក្លាយជាមហន្តរាយបាក់ផ្ទាំងទឹកកកធំបំផុតមួយក្នុងប្រវត្តិសាស្ត្រសហរដ្ឋអាមេរិក។

ក្រុមអ្នកជួយសង្គ្រោះដែលជិះស្គី អាចទៅដល់អ្នករស់រានមានជីវិតចំនួនប្រាំ៦នាក់ ក្នុងអំឡុងពេលព្យុះរដូវរងាដ៏ខ្លាំងក្លា ដែលបានធ្លាក់ព្រិលថ្មីកម្ពស់ជាច្រើនហ្វីតនៅលើភ្នំ Sierra ដ៏ខ្ពស់ ក្នុងរយៈពេលប៉ុន្មានថ្ងៃថ្មីៗនេះ។

យោងតាមអាជ្ញាធរបានឲ្យដឹងថា គ្រោះបាក់ផ្ទាំងទឹកកក មានទំហំប្រវែងទីលានបាល់ទាត់ បានវាយប្រហារនៅតំបន់ Truckee រដ្ឋកាលីហ្វ័រនីញ៉ា ដោយបានហ៊ុមព័ទ្ធក្រុមអ្នកជិះស្គីនៅតំបន់ដាច់ស្រយាលមួយក្រុម ដែលកំពុងធ្វើដំណើរកម្សាន្តរយៈពេលបីថ្ងៃ។

មន្ត្រីនគរបាលស្រុក Nevada លោកស្រី Shannan Moon បាននិយាយនៅក្នុងសន្និសីទសារព័ត៌មានកាលពីរសៀលថ្ងៃពុធថា អ្នកជិះស្គីម្នាក់ដែលត្រូវបានជួយសង្គ្រោះនៅកំពុងត្រូវបានព្យាបាលនៅក្នុងមន្ទីរពេទ្យដោយមានរបួសប៉ុន្តែមិនគំរាមកំហែងដល់អាយុជីវិតទេ។