បេសកជនពិសេសរបស់ប្រធានាធិបតីរុស្ស៊ីសម្រាប់ការវិនិយោគ និងកិច្ចសហប្រតិបត្តិការសេដ្ឋកិច្ចជាមួយប្រទេសបរទេស និងជានាយកប្រតិបត្តិមូលនិធិវិនិយោគផ្ទាល់របស់រុស្ស៊ី (RDIF) លោក Kirill Dmitriev បាននិយាយថា សហរដ្ឋអាមេរិក នឹងដកទណ្ឌកម្មប្រឆាំងនឹងរុស្ស៊ី ដោយសារតែគម្រោងរួមគ្នាដែលអាចកើតមាន និងក្រុមហ៊ុនអាមេរិកបានរងការខាតបង់យ៉ាងច្រើន។

លោក Dmitriev បានសរសេរនៅលើប្រព័ន្ធផ្សព្វផ្សាយសង្គម X ថា៖« នៅទីបំផុត សហរដ្ឋអាមេរិក នឹងដកទណ្ឌកម្ម ពីព្រោះទណ្ឌកម្មលើរុស្ស៊ី បានធ្វើឲ្យអាជីវកម្មអាមេរិកខាតបង់ជាង ៣០០ ពាន់លានដុល្លារ។ ការដកទណ្ឌកម្មលើប្រទេសរុស្ស៊ី គឺស្ថិតនៅក្នុងផលប្រយោជន៍របស់សហរដ្ឋអាមេរិក»។

បេសកជនប្រធានាធិបតីរូបនេះ បានបន្ថែមថា គម្រោងរួមគ្នារវាងរុស្ស៊ី និងអាមេរិកដ៏មានសក្តានុពល មានចំនួនទឹកប្រាក់លើសពី ១៤ សែនកោដិដុល្លារ។

លោកបានធ្វើអត្ថាធិប្បាយនៅលើអត្ថបទមួយរបស់សារព័ត៌មាន The Economist អំពីរុស្ស៊ីដែលត្រូវបានចោទប្រកាន់ថា ផ្តល់ជូនដៃគូអាមេរិករបស់ខ្លួននូវកិច្ចព្រមព្រៀង ១២ ពាន់ពាន់លានដុល្លារ ជាថ្នូរនឹងការដកទណ្ឌកម្ម៕