រដ្ឋមន្ត្រីការបរទេសរុស្ស៊ី លោក សឺហ្គេ ឡាវរ៉ូវ (Sergey Lavrov) បាននិយាយនៅក្នុងបទសម្ភាសន៍ជាមួយទូរទស្សន៍ Al Arabiya ថា សហរដ្ឋអាមេរិកកំពុងព្យាយាមរុញរុស្ស៊ីចេញពីទីផ្សារថាមពលសកល     ខណៈពេលដែលកំពុងធ្វើសេចក្តីថ្លែងការណ៍ស្តីពីកិច្ចសហប្រតិបត្តិការ នាពេលអនាគត។ 

លោក ឡាវរ៉ូវ បាននិយាយថា៖« ដោយមិននឹកស្មានដល់ រយៈពេលពីរបីសប្តាហ៍បន្ទាប់ពីជំនួបនៅរដ្ឋអាឡាស្កា ជាលើកដំបូងចាប់តាំងពីលោក ដូណាល់ ត្រាំ កាន់តំណែងជាប្រធានាធិបតី រដ្ឋបាលរបស់លោកបានប្រកាសដាក់ទណ្ឌកម្មរបស់សហរដ្ឋអាមេរិកលើក្រុមហ៊ុនប្រេង Lukoil និង Rosneft។ បន្ទាប់មក ជនជាតិអាមេរិក បានប្រកាសថា ពួកគេកំពុងទាមទារឲ្យឥណ្ឌាឈប់ទិញប្រេងរបស់រុស្ស៊ី។ បន្ទាប់មក បម្រាមលើប្រទេសវ៉េណេស៊ុយអេឡា បានកើតឡើង។ នៅក្នុងការវិវត្តចុងក្រោយបំផុត ការិយាល័យគ្រប់គ្រងទ្រព្យសកម្មបរទេសនៃក្រសួងរតនាគារសហរដ្ឋអាមេរិក (OFAC) បានចេញសេចក្តីសម្រេចមួយដែលអនុញ្ញាតឲ្យឧស្សាហកម្មប្រេងរបស់វ៉េណេស៊ុយអេឡា បន្តដំណើរការឡើងវិញ ប៉ុន្តែហាមឃាត់ការចូលរួមរបស់រុស្ស៊ី ចិន អ៊ីរ៉ង់ និងកូរ៉េខាងជើង»។

លោកបានសង្កត់ធ្ងន់ថា៖«ខ្ញុំចង់មានន័យថា ខណៈពេលដែលជនជាតិអាមេរិក បានប្រាប់យើងដោយស្មោះត្រង់ថា នៅពេលដែលបញ្ហាអ៊ុយក្រែន ត្រូវបានដោះស្រាយ យើងអាចចាប់ផ្តើមកិច្ចសហប្រតិបត្តិការដែលផ្តល់ផលប្រយោជន៍ទៅវិញទៅមក ប៉ុន្តែសម្រាប់ពេលនេះ ពួកគេបានព្យាយាមបង្ខំយើងឲ្យចេញពី     ទីផ្សារថាមពលសកល»៕