បាត់ដំបង៖ ក្នុងរយៈពេលពេញមួយខែកុម្ភៈ ឆ្នាំ២០២២ សមត្ថកិច្ចថៃបានចាប់បញ្ជូនពលករខ្មែរជាង៥ពាន់នាក់មកតាមច្រកព្រំដែននានាក្នុងភូមិសាស្រ្តខេត្តបាត់ដំបង ខណៈសកម្មភាពបណ្តាញមេខ្យល់នាំមនុស្សឆ្លងដែនចេញចូលខុសច្បាប់ និងប្រជាពលរដ្ឋលបលួចឆ្លងដែនខុសច្បាប់ចូលប្រទេសថៃនៅតែបន្តកើតមាន។
របាយការណ៍របស់គណៈបញ្ជាការឯកភាពរដ្ឋបាលខេត្តបាត់ដំបងប្រចាំខែកុម្ភៈ ឆ្នាំ២០២២បានឱ្យដឹងថា អាជ្ញាធរ និងកងកម្លាំងចម្រុះការពារព្រំដែន បានធ្វើការទប់ស្កាត់ប្រជាពលរដ្ឋដែលបម្រុងឆ្លងដែនខុសច្បាប់ចំនួន២លើក មនុស្ស១១នាក់ ស្រី៦នាក់ អនីតិជន ១នាក់ និងសមត្ថកិច្ចថៃចាប់បញ្ជូនមកវិញចំនួន ១៦០លើក មនុស្ស៥.៦៩៦នាក់(ស្រី ២.១៤៨នាក់) អនីតិជន ៩៩៤នាក់៕
ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
ទូរស័ព្ទ:(+855)61 999 877
