នៅថ្ងៃចន្ទនេះ ប្រជាពលរដ្ឋរស់នៅក្នុងទីក្រុងគីវ និយាយថា ពួកគេសង្ឃឹមថានឹងទទួលបានសន្តិភាព ពេលដែលអ៊ុយក្រែនខិតជិតដល់ខួប ៤ឆ្នាំនៃការវាយលុកពេញបន្ទុករបស់រុស្សី ។

ពលរដ្ឋភាគច្រើននិយាយថា ពួកគេសង្ឃឹមថា កិច្ចព្រមព្រៀងសន្តិភាពចុងក្រោយនឹងត្រូវចុះហត្ថលេខា ប៉ុន្តែមិនមែននៅក្នុងរយៈពេលប៉ុន្មានខែខាងមុខនេះនោះទេ ។ 

លោកយាយ Yurii Dolhov វ័យ ៧០ឆ្នាំនិយាយថា សង្រ្គាមនឹងមិនអាចបញ្ចប់បាននោះទេនៅក្នុងខែមីនា ឬខែមេសា វាអាចនឹងបន្តរហូតដល់ដំណាច់ឆ្នាំនេះ ពេលដែលមានការខ្សត់ខ្សោយទាំងស្រុងនូវសេដ្ឋកិច្ចរបស់រុស្ស៊ី ។

ចំណែកឯអ្នកស្រី Nataliia Rykhlevska វ័យ ៥៤ឆ្នាំ ដែលកូនប្រុស និងប្តីរបស់គាត់ កំពុងបម្រើកងទ័ព និយាយថា សង្រ្គាមបានផ្លាស់ប្តូរតម្លៃពេលវេលា ។ ដូច្នេះហើយ អ្នកធ្វើអ្វីៗសព្វថ្ងៃនេះ គឺអ្នកលេងជាមួយកូនរបស់អ្នក អ្នកមិនបោសសម្អាតផ្ទះសម្បែង អ្នកមិនចម្អិនអាហារ ។ អ្នករស់នៅគ្រាន់តែបំពេញជីវិតប្រចាំថ្ងៃរបស់អ្នកប៉ុណ្ណោះ ។

បើទោះបីជាជួបការលំបាក ដោយសារដាច់ចរន្តអគ្គិសនី និងភាពមិនច្បាស់លាស់យ៉ាងណាក្តី អ្នកស្រី Rykhlevska និយាយថា អ្នកស្រីត្រៀមខ្លួនរួចរាល់ក្នុងការស៊ូទ្រាំ ដរាបណាវាចាំបាច់ ដើម្បីឲ្យអ៊ុយក្រែនសម្រេចបានជ័យជំនះ ។

ដោយឡែក អ្នកស្រី Oksana Nahaivska គឺជាគ្រូបង្រៀនវ័យ ៥០ឆ្នាំម្នាក់ ដែលកូនប្រសារប្រុសរបស់គាត់កំពុងបម្រើកងទ័ព បានបង្ហាញនូវការតាំងចិត្តស្រដៀងគ្នានេះ ។

អ្នកស្រីនិយាយថា បើសិនជាពួកយើងបានស៊ូទ្រាំអស់រយៈពេល ៤ឆ្នាំមកហើយនោះ អ្នកស្រីជឿជាក់ថា ពួកយើងនឹងបន្តស៊ូទ្រាំយូរជាងនេះទៀត ៕