នាព្រឹកថ្ងៃទី២០ ខែកុម្ភៈ ឆ្នាំ២០២៦ ឯកឧត្តម ជុក មុន្នី រដ្ឋលេខាធិការក្រសួងមុខងារសាធារណៈ បានដឹកនាំកិច្ចប្រជុំ ពង្រឹងមុខងារអធិការកិច្ចបន្ថែមទៀត ជាពិសេសការពិនិត្យផ្ទៀងផ្ទាត់ការបង្វែរថវិការរដ្ឋ។ កិច្ចប្រជុំប្រព្រឹត្តទៅនៅទីស្តីការក្រសួង ដោយមានការចូលរួមពីលោកជំទាវ លោក លោកស្រី មន្រ្តីជំនាញ និងមន្ទីរមុខងារសាធារណៈរាជធានី ខេត្ត តាមប្រព័ន្ធOnline មានចំនួនសរុបប្រមាណ១០០នាក់។

កិច្ចប្រជុំបានពិភាក្សាផ្តោតសំខាន់ទៅលើការបង្វែរប្រាក់ជូនថវិការរដ្ឋទាំងថ្នាក់ជាតិ និងថ្នាក់ក្រោមជាតិ។

បន្ទាប់ពីបានពិភាក្សា និងផ្តល់យោបល់ជាធាតុចូលជាច្រើនរួចមក ឯកឧត្តមរដ្ឋលេខាធិការប្រធានអង្គប្រជុំ បានណែនាំអគ្គនាយកដ្ឋានជំនាញ ធ្វើលិខិតចំនួនពីរ មួយគោរពជូនក្រសួង ស្ថានប័នថ្នាក់ជាតិ និងមួយទៀតជូនរដ្ឋបាលរាជធានី ខេត្តថ្នាក់ក្រោមជាតិ ដោយធ្វើយ៉ាងណាត្រូវពន្លឿនការបង្វែរប្រាក់ចូលថវិការរដ្ឋឱ្យបានទាន់ពេលវេលា និងមានប្រសិទ្ធភាព។