អ៊ីរ៉ង់បាននិយាយកាលពីថ្ងៃចន្ទ២៣កុម្ភៈសប្ដាហ៍នេះ ថា ខ្លួនមិនគាំទ្រកិច្ចព្រមព្រៀងបណ្ដោះអាសន្នក្នុងការចរចាជាមួយសហរដ្ឋអាមេរិកទេ ហើយកំពុងស្វែងរកកិច្ចព្រមព្រៀងរហ័ស និងប្រកបដោយលទ្ធផល ដែលផ្តោតលើការលើកលែងទណ្ឌកម្ម និងដោះស្រាយបញ្ហានុយក្លេអ៊ែរ ខណៈភាគីទាំងពីរកំពុងរៀបចំសម្រាប់ការចរចាជុំមួយទៀតក្នុងសប្ដាហ៍នេះ។

អ្នកនាំពាក្យក្រសួងការបរទេសអ៊ីរ៉ង់ លោក Esmail Baghaei បាននិយាយថា ការរំពឹងទុកអំពីការរៀបចំបណ្ដោះអាសន្នមិនមានមូលដ្ឋានទេ ដោយបន្ថែមថា ព័ត៌មានលម្អិតនៃកិច្ចព្រមព្រៀងណាមួយនឹងត្រូវសម្រេចតែនៅតុចរចាប៉ុណ្ណោះ។

លោកបានប្រាប់សន្និសីទសារព័ត៌មានប្រចាំសប្តាហ៍នៅទីក្រុងតេអេរ៉ង់ថា កិច្ចព្រមព្រៀងបណ្ដោះអាសន្នមិនមានមូលដ្ឋានទេ។ការរៀបចំអត្ថបទចរចាណាមួយគឺជាកិច្ចខិតខំប្រឹងប្រែងរួមគ្នា។

លោក Baghaei បាននិយាយថា អ៊ីរ៉ង់កំពុងបង្កើតជំហររបស់ខ្លួន ហើយសង្ឃឹមថានឹងធ្វើកិច្ចចរចាជុំមួយទៀតក្នុងរយៈពេលប៉ុន្មានថ្ងៃខាងមុខ។ឥឡូវនេះពួកលោកកំពុងស្ថិតក្នុងដំណាក់កាលនៃការព្រាងគំនិត ហើយពួកលោកសង្ឃឹមថានឹងមានជុំមួយទៀតក្នុងរយៈពេលពីរឬបីថ្ងៃខាងមុខ។

លោកថា ជំហររបស់អ៊ីរ៉ង់លើការបញ្ចប់ទណ្ឌកម្ម និងលើបញ្ហានុយក្លេអ៊ែរគឺច្បាស់លាស់ ហើយទីក្រុងតេអេរ៉ង់បានដឹងយ៉ាងច្បាស់អំពីជំហររបស់សហរដ្ឋអាមេរិក។

លោក Baghaei បាននិយាយថា ការគំរាមកំហែងរបស់សហរដ្ឋអាមេរិកប្រឆាំងនឹងអ៊ីរ៉ង់ក្នុងអំឡុងពេលចរចានឹងមិនផ្លាស់ប្តូរវិធីសាស្រ្តរបស់ទីក្រុងតេអេរ៉ង់នោះទេ ដោយបន្ថែមថា កងកម្លាំងប្រដាប់អាវុធរបស់អ៊ីរ៉ង់នៅតែស្ថិតក្នុងការប្រុងប្រយ័ត្នខ្ពស់ ខណៈដើរផ្លូវការទូតនៅតែបន្ត។

លោកថា ប្រសិនបើវានាំឱ្យមានសង្គ្រាម យុទ្ធជនរបស់ពួកលោកនឹងឆ្លើយតប។កងកម្លាំងរបស់ពួកលោកបានត្រៀមខ្លួនរួចជាស្រេច២៤ម៉ោងលើ២៤ម៉ោង ដើម្បីការពារអធិបតេយ្យភាពរបស់អ៊ីរ៉ង់៕